بوكستان الەم چەمپيونى ءبىرجان جاقىپوۆ لاۋازىمدى قىزمەتكە تاعايىندالدى

شىمكەنت قالالىق سپورت باسقارماسى بوكستان 2013-جىلعى الەم چەمپيونى، وليمپيادا ويىندارىنىڭ قاتىسۋشىسى ءبىرجان جاقىپوۆ «شىمكەنت كاسىپقوي بوكس تۇرلەرى كلۋبى» كوممۋنالدىق مەملەكەتتىك مەكەمەسىنىڭ ديرەكتورى لاۋازىمىنا تاعايىندالعانىن جازدى، دەپ حابارلايدى Kazinform.

جاقىپوۆ ءبىرجان 1984-جىلى وڭتۇستىك قازاقستان وبلىسى سوزاق اۋدانى جارتىتوبە اۋىلىندا دۇنيەگە كەلگەن. ءوزىنىڭ سپورتتىق مانسابىن بوكس جولىنا ارناعان.

ول:

- قازاقستان رەسپۋبليكاسىنىڭ پرەزيدەنتىنىڭ ۇكىمىمەن «قۇرمەت» ءتوس بەلگىسىمەن ماراپاتتالدى.

- بوكستان قازاقستان رەسپۋبليكاسىنا ەڭبەگى سىڭگەن سپورت شەبەرى 2005-جىلى و ق و «ەڭ ۇزدىك سپورتشىسى» اتاندى. 2013-جىلى «قۇرمەت» وردەنىن يەلەندى.

- ق ر چەمپيوناتتارىنىڭ بىرنەشە دۇركىن چەمپيونى؛

- 2005-جىل الەم چەمپيوناتىنىڭ قولا جۇلدەگەرى؛

- 2008-جىل كۋبا وليمپياداسىنىڭ جەڭىمپازى؛

- 2008-جىل الەم كۋبوگىنىڭ قولا جۇلدەگەرى؛

- 2008-جىل جازعى وليمپيادا ويىندارىنىڭ قاتىسۋشىسى - V ورىن، بەيجىڭ (ق ح ر)

- 2010-2014-جىلدارى جازعى ازيا ويىندارىنىڭ كۇمىس جۇلدەگەرى؛

- 2012-جىل جازعى وليمپيادا ويىندارىنىڭ قاتىسۋشىسى - V ورىن، لوندون (ۇلى بريتانيا)

- 2013-جىل الەم چەمپيوناتىنىڭ جەڭىمپازى؛

- 2014-جىل XVII جازعى ازيا ويىندارىنىڭ كۇمىس جۇلدەگەرى؛

- 2015-جىل «AIBA Pro Boxing» جوباسى اياسىنداعى ليتسەنزيالىق تۋرنيرىنىڭ جەڭىمپازى؛

- 2016-جىلعى برازيليادا وتكەن جازعى وليمپيادا ويىندارىنىڭ قاتىسۋشىسى - V ورىن.

ايتا كەتەيىك، جاقىپوۆ ۇزاق جىلدار بويى ۇلتتىق قۇرامادا 49 كەلىنىڭ كوشباسشىسى اتانىپ، 32 جاسىندا ريو وليمپياداسىنان كەيىن سپورتتىق مانسابىن اياقتاعان بولاتىن.

اۆتور كۇنسۇلتان وتارباي