استانا. KAZINFORM - استانادا بوكستان ەرلەر مەن ايەلدەر اراسىنداعى الەم كۋبوگى ءوز شىمىلدىعىن ءتۇردى. العاشقى بولىپ شارشى الاڭعا شىققان نازىم قىزايباي جەڭىسكە جەتتى.
نازىم 48 كەلى سالماقتا ءبىرىنشى جەكپە-جەگىندە كانادالىق پريانكا ديللوندى ايقىن باسىمدىقپەن ۇتتى. وسىلايشا نازىم قىزايباي كەلەسى كەزەڭگە جولداما الدى.
بوكس فەدەراتسياسى مالىمەتىنشە، ونىڭ كەلەسى قارسىلاسى - وزبەكستاندىق ازيا ويىندارىنىڭ چەمپيونى فارزونا فايزولوۆا.
ايتا كەتەيىك، بۇل ءدۇبىرلى دودا ەلىمىزدە العاش رەت ۇيىمداستىرىلىپ وتىر. جارىستى World Boxing ۇيىمى وتكىزىپ جاتىر. ايتۋلى دوداعا 30 مەملەكەتتەن 300 گە جۋىق سپورتشى باق سىنايدى.
استاناداعى جارىستا بۇگىن قازاقستاندىق بەس بوكسشى سىنعا تۇسەدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.