بوكسشى جاڭقوش تۇراروۆ وزىنە جالعان ايىپ تاعىلعانىن مالىمدەدى

استانا. KAZINFORM - قازاقستاندىق بوكسشى جاڭقوش تۇراروۆ وزىنە تاعىلعان ايىپقا قاتىستى تۇسىنىك بەردى.

«ءۇش قىز ءوسىرىپ وتىرعان اكەمىن. توسەكتەس قىز كەرەك بولسا، ماعان زورلاماي- اق كەلەتىن جاعدايىم بار! قايدان شىققان جالا ەكەنىن ءوزىم دە تۇسىنبەي وتىرمىن. قازىر ماسەلەنىڭ ءمان- جايىن انىقتاپ، كىم، قانداي جالا تاعىپ وتىرعانىن انىقتايتىن بولامىن.

ماعان تاڭەرتەڭنەن بەرى ميلليون حابارلاما كەلدى. ءوزىم تاڭعالىپ وتىرمىن، بۇل اقپارات جالعان. بۇل - جالا جابۋ! مەن تەكسەرىلمەگەن، جالعان اقپارات تاراتقانى ءۇشىن ب ا ق وكىلدەرىنىڭ ۇستىنەن دە ارىز جازىپ، سوتقا جۇگىنەمىن»، - دەپ جازدى Instagram پاراقشاسىندا.

بۇعان دەيىن حابارلاعانىمىزداي، قازاقستاندىق بوكسشىعا قىز زورلادى دەگەن ايىپ تاعىلدى.

الماتى قالالىق پوليتسيا دەپارتامەنتى اگەنتتىك ءتىلشىسىنىڭ ساۋالىنا وراي، قىلمىستىق ءىس قوزعالعانىن راستادى. ءبىراق ايىپتالۋشىنىڭ جەكە باسىنا قاتىستى مالىمەتتى ناقتىلامادى.