بوكس فەدەراتسياسى جاڭادان جاساقتالعان باپكەرلەر قۇرامىن جاريالادى

استانا. KAZINFORM - قازاقستان بوكس فەدەراتسياسىنىڭ باسپا ءسوز قىزمەتى ۇلتتىق قۇرامانىڭ جاڭارعان باپكەرلەر قۇرامىن تانىستىردى.

بىرنەشە كۇن بۇرىن وليمپيادادان كەيىنگى العاشقى وقۋ-جاتتىعۋ جيىنىنا كىرىسكەن ۇلتتىق قۇرامامەن قازىرگى ۋاقىتتا قايرات ءساتجان باستاعان جاڭا باپكەرلىك قۇرام جۇمىس جۇرگىزىپ جاتىر.

باپكەرلىك كەڭەستىڭ شەشىمىمەن جاڭا تىزىمگە ءبىرقاتار بوكس ماماندارى قوسىلدى.

كوماندانىڭ باپكەرلەر قۇرامى:

1. قايرات ءساتجان - باس جاتتىقتىرۋشى

2. ⁠اسقار ەركەبايەۆ - اعا جاتتىقتىرۋشى

جاتتىقتىرۋشىلار:

3. ء⁠ىلياس ورالبەكوۆ

4. ⁠نۇركەن انداسوۆ

5. ⁠ازامات ماقاجانوۆ

6. ⁠تالعاتبەك جاكپەكوۆ

7. ⁠نۇرجان ناسانوۆ

سونىمەن قاتار، قازىرگى ۋاقىتتا ازيا چەمپيوناتىنا دايىندىق بارىسىندا كومانداعا بىلىكتى مامان، ديەتولوگ-نۋتريتسيولوگ، الەكساندر ۋسيك، ۆاسيلي لوماچەنكو، تەوفيم لوپەز، تەرەنس كروۋفورد جانە تاعى باسقا جۇزدەن اسا كاسىپقوي بوكسشىمەن جۇمىس ىستەگەن الەكساندر فوكا كومەكتەسۋدە.

ايتا كەتەلىك، جوعارىدا كورسەتىلگەن باپكەرلەر ءتىزىمى ءالى دە تولىقتىرىلادى. جاڭا ماماندار بويىنشا شەشىم جەلتوقسان ايىندا وتەتىن قازاقستان چەمپيوناتىنان كەيىن قابىلدانباق.

ەستەرىڭىزگە سالا كەتەيىك، قازاقستان بوكس فەدەراتسياسى پاريج وليمپياداسىنان كەيىن قورىتىندى كەڭەس وتكىزىپ، ناتيجەسىندە ۇيىم بوكستان ەرلەر كومانداسىنىڭ باپكەرلىك قۇرامى تولىعىمەن جۇمىستان شەتتەتىلگەنىن اتاپ وتكەن بولاتىن.

ولاردىڭ قاتارىندا باس جاتتىقتىرۋشى مىرزاعالي ايتجانوۆ جانە باپكەرلىك قۇرامداعى 10 مامان، ق ب ف ۆيتسە-پرەزيدەنتى ازيز قوجامبەتوۆ قىزمەتتەن بوساتىلعان ەدى.

اۆتور كۇنسۇلتان وتارباي