استانا. KAZINFORM - يتاليانىڭ بۋستو-ارسيتسيو قالاسىندا ءوتىپ جاتقان ليتسەنزيالىق تۋرنيردە بۇگىن وزبەكستاندىق قازاق بوكسشىسى رۋسلان ابدۋللايەۆ پاريج وليمپياداسىنىڭ جولداماسىن جەڭىپ الدى.
اتاپ ايتساق، 2023-جىلعى الەم چەمپيونى اتانعان قانداسىمىز رۋسلان ابدۋللايەۆ بۇگىن يتاليادا ءوتىپ جاتقان ليتسەنزيالىق تۋرنيردىڭ شيرەك فينالىندا سەرب بوكسشىسى الەكسەي سەندريكپەن قولعاپ ءتۇيىستىرىپ، ناتيجەسىندە قارسىلاسىن 3:1 ەسەبىمەن جەڭدى.
وسىلايشا وزبەكستاندىق قازاق بوكسشى جارتىلاي فينالعا شىعىپ، پاريج وليمپياداسىنا جولدامانى جەڭىپ الدى.
ايتا كەتسەك، ليتسەنزيالىق تۋرنيردە جارتىلاي فينالعا دەيىن جەتكەن بوكسشىلار 2024-جىلعى وليمپيادا ويىندارىنا جولداما الادى.
اۆتور كۇنسۇلتان وتارباي
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.