بەس ءجۇز ادامعا ارنالعان 30 كەلىلىك شۇجىق شىعارىلدى

اشحاباد. قازاقپارات - «Täze Aý» كومپانياسى تۇركىمەنستان ونەركاسىپشىلەرى مەن كاسىپكەرلەرى وداعىنىڭ 17 جىلدىعىنا ارنالعان كورمەدە جاڭا ءونىم - سيىر مەن تاۋىق ەتىنەن جاسالعان 30 كەلىلىك Aşgabat شۇجىعىن ۇسىندى، دەب حابارلايدى «بيزنەس تۋركمەنيستان» پورتالى.

- وسىنداي ءبىر شۇجىق 500 ادامعا ارنالعان. ءونىم ءالى ساتىلىمعا شىققان جوق، ءبىراق تاپسىرىس بويىنشا، نەگىزىنەن مەيرامحانالار مەن ۇيلەنۋ تويلارىنا ارنالعان، - دەلىنگەن كومپانيانىڭ الەۋمەتتىك جەلىدەگى پاراقشاسىندا.

ەت كومبيناتىندا سانيتارلىق- گيگيەنالىق نورمالار، سونىڭ ىشىندە ەت پەن ەت ونىمدەرىنە حالال تالاپتارى قاتاڭ ساقتالعان.

كاسىپورىن كۇن سايىن ءوندىرىس كولەمىن ۇلعايتىپ، جاڭا ونىمدەردى ۇنەمى ەنگىزىپ وتىرادى. قازىرگى تاڭدا كاسىپورىندا تاۋىق ەتى مەن جۇمىرتقا ونىمدەرىن قوسقاندا 500 گە جۋىق ازىق-تۇلىك ونىمدەرىنىڭ ءتۇرى شىعارىلادى.

وتكەن جىلى كاسىپكەر بەگەنچ ورازوۆ ەت جانە شۇجىق ونىمدەرىن، سونداي- اق جارتىلاي فابريكاتتاردى وندىرۋگە دەن قويعان «Täze Aý» جاڭا ءوندىرىس كەشەنىن ىسكە قوسقان ەدى.

ەسكە سالا كەتەيىك، بيىل جاڭاوزەن - تۇركىمەنستان جولى ورتا جوندەۋدەن وتەدى.

اۆتور

بەگابات ۇزاقوۆ