بەس بالانىڭ اناسىن الىپ جىلان پيتون جۇتىپ قويعان
استانا. قازاقپارات - يندونەزياداعى وڭتۇستىك سۋلاۆەسيدە 30 جاستاعى بەس بالانىڭ اناسى پيتوننىڭ اۋزىنان تابىلدى، - دەپ حابارلايدى Tengritravel.kz.
Mirror باسىلىمى مالىمەتىنشە، سيراتي ەسىمدى ايەل كورشى ەلدى مەكەندەگى اعاسىنا قوناققا جالعىز كەتكەن، ونىڭ جولى دجۋنگلي ارقىلى وتەدى. ول تۋىستارىنىڭ ۇيىنە جەتپەگەندىكتەن، كۇيەۋى دابىل قاققان. ءبىراز ۋاقىتتان كەيىن ول ايەلىن ىزدەۋگە شىعادى.
ەر ادام ايەلى جۇرگەن جولمەن شىعىپ، ونىڭ اياق كيىمىن تاۋىپ العان. ءسال ارى قاراي جۇرگەندە ەر ادام ايەلىن جۇتىپ جاتقان ۇلكەن پيتوندى بايقايدى. جىلاننىڭ اۋزىنان سيرياتيدىڭ اياقتارى عانا شىعىپ تۇرعان. ەر ادام پيتوندى ءولتىرىپ، ايەلىن سۋىرىپ العان، ءبىراق ول قايتىس بولىپ كەتكەن.
بۇل يندونەزيادا ادام پيتونعا جەم بولعان العاشقى وقيعا ەمەس. بيىل ماۋسىمدا يندونەزيانىڭ كالەمپانگ اۋىلىندا تۇراتىن ايەل ءىز-ءتۇسسىز جوعالىپ كەتكەن بولاتىن. ءبىراز ۋاقىتتان كەيىن ونىڭ دەنەسى پيتوننىڭ ىشىنەن شىعارىلدى.