بەس ايعى ەرەۋىل: گولليۆۋد سەناريشىلەرى كەلىسىمگە كەلدى

كينويندۋسترياعا نۇقسان كەلتىرگەن بەس اي بويعى ەرەۋىلدەن كەيىن گولليۆۋد سەناريشىلەرى ستۋديالارمەن كەلىسىمگە كەلگەنىن جاريالادى. بۇل ولاردىڭ جۇمىسقا قايتا ورالۋىنا مۇمكىندىك بەرەدى. قازاقپارات بۇل تۋرالى ەuronews-كە سىلتەمە جاساپ حابارلايدى.

«بۇل بارلىق سالاداعى كاسىپوداق سەناريشىلەرى ءۇشىن ماڭىزدى جەتىستىك ءارى ولاردى قورعايتىن ەرەكشە كەلىسىم ەكەنىن ماقتانىشپەن ايتا الامىز»، - دەلىنگەن گولليۆۋد ستسەناريشىلەرى وداعىنىڭ (WGA) حاتىندا.

حاتتا كەلىسىمنىڭ ەگجەي- تەگجەيى ايتىلماعان. دەگەنمەن، ولار پىسىقتالىپ جاتقانى جانە تۇپكىلىكتى شەشىمدى WGA مۇشەلەرى قابىلدايتىنى جازىلعان.

«گيلديا ناقتى رۇقسات بەرمەيىنشە، ەشكىم جۇمىسقا ورالماۋى ءتيىس. ءبىز ەرەۋىلدى جالعاستىرامىز، ءبىراق بۇگىننەن باستاپ WGA پيكەتتەرىن توقتاتامىز»، - دەپ ءتۇسىندىردى كاسىپوداقتان.

گولليۆۋدتا كينويندۋستريا سالاسى ماماندارىنىڭ نارازىلىق اكسيالارى مامىر ايىنىڭ باسىندا باستالعان ەدى. ولار جالاقىنىڭ كوتەرىلۋىن جانە قوسىمشا جۇمىستاردىڭ تولەنۋىن، سونداي- اق كينو وندىرىسىندە جاساندى ينتەللەكتىنى قولدانۋدى شەكتەۋدى تالاپ ەتتى. ەرەۋىلگە Netflix جانە Disney سياقتى كومپانيالار قوسىلىپ، ويىن- ساۋىق يندۋسترياسىنا ەداۋىر نۇقسان كەلدى.

اتالعان پيكەتتەرگە بايلانىستى Emmy تەليەۆيزيالىق سىيلىعىن تاپسىرۋ ءراسىمى كەلەسى جىلعا قالدىرىلدى.

سونداي- اق ميتينگىلەر گولليۆۋد ەكونوميكاسىن كۇيرەتىپ جاتقانى دا ءمالىم ەتىلگەن ەدى.