كوكشەتاۋ. KAZINFORM - اقمولا وبلىسى اۋماعىندا «ەكاتەرينبور- الماتى» تاسجولىنىڭ 1318-شاقىرىمىندا، ءبىرسۋات اۋىلى تۇسىندا بىرنەشە كولىك سوقتىعىسقان ءىرى جول اپاتى بولدى.
«وقيعا ورنىنا بارعان ءتارتىپ ساقشىلارى ارا قاشىقتىقتى ساقتاماي، جىلدامدىقتى شامادان اسىرعان «Toyota Camry» كولىگىنىڭ 29 جاستاعى جۇرگىزۋشىسى الدا ءجۇرىپ بارا جاتقان «Volkswagen Polo» كولىگىمەن سوقتىعىسقانىن انىقتادى. سالدارىنان 11 كولىك سوقتىعىسىپ، 5 ادام زارداپ شەكتى، ولار ءتۇرلى دەنە جاراقاتىمەن اۋرۋحاناعا جەتكىزىلدى»، - دەپ ءتۇسىندىردى Kazinform ءتىلشىسىنىڭ ساۋالىنا پ د باسپا ءسوز قىزمەتىنەن.
ايتا كەتسەك، بۇدان بۇرىن ەلىمىزدىڭ 6 وبلىسىندا اۋا رايىنا بايلانىستى جول جابىلعانىن جازعان ەدىك.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан