استانا. قازاقپارات - ورتا سالماقتا ونەر كورسەتەتىن بريتانيالىق بوكسشى دەنزەل بەنتلي (21-3-1، 17 ك و) وسى ديۆيزيوننىڭ بىرىككەن چەمپيونى قازاقستاندىق جانىبەك ءالىمحان ۇلىنا (17-0، 12 ك و) ءۇن قاتتى، دەپ حابارلايدى El.kz ينتەرنەت پورتالى.
جىلاندىنىڭ تۋماسى جۋىردا عانا دومينيكاندىق كارلوس ادامەسكە (24-1-1، 18 ك و) الەۋمەتتىك جەلىدە: «قايداسىڭ؟» دەپ جازبا ارناپ، جەكپە-جەككە شاقىرعان ەدى. الايدا وعان باسقا بوكسشى جاۋاپ قاتتى.
ءجا، ءبارىن قويا تۇرايىق... ءوزىڭ قايداسىڭ؟ - دەپ جازدى بەنتلي.
ايتا كەتەيىك، بريتانيالىق بوكسشى بۇعان دەيىن جانىبەكپەن شارشى الاڭدا كەزدەسكەن. 2022-جىلدىڭ قاراشاسىندا قازاقستاندىق سپورتشى بەنتليدى تورەشىلەردىڭ ورتاق شەشىمىمەن جەڭگەن بولاتىن.
دەنزەل بەنتلي - ورتا سالماقتا ۇلى بريتانيانىڭ ءۇش دۇركىن چەمپيونى، ۇلتتىق بەلبەۋدىڭ، WBO International تيتۋلى مەن ەۋروپا چەمپيونى اتاعىنىڭ يەسى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.