بريتانيا بيلىگى مىڭداعان اۋعاندىقتى قۇپيا تۇردە ءوز ەلىنە كوشىردى

استانا. KAZINFORM - بىرىككەن كورولدىككە ۇكىمەتتىڭ قۇپيا جۇيەسى اياسىندا مىڭداعان اۋعان ازاماتى جەتكىزىلگەن. بۇل تۋرالى وسى ماسەلە بويىنشا كەز كەلگەن اقپاراتتى جاريالاۋعا تىيىم سالاتىن سوت وكىمى 15-شىلدە كۇنى كۇشىن جويعان سوڭ Financial Times (FT) باسىلىمى جازدى، دەپ حابارلايدى رەسەيلىك ت ا س س.

بەلگىلى بولعانىنداي، ەندى عانا جاريالانعان قۇجاتتاردىڭ ىشىندە تاليبتەر بيلىك باسىنا كەلگەن 2021 -جىلدىڭ تامىزىنا دەيىن لوندونمەن تىعىز قارىم-قاتىناستا جۇمىس ىستەگەن 25 مىڭ اۋعاندىقتىڭ جەكە مالىمەتتەرى 2022 -جىلدىڭ اقپانىندا ينتەرنەتكە تاراپ كەتكەن.

اقپاراتتى بريتانيا قورعانىس مينيسترلىگىنىڭ قىزمەتكەرى ادەيى تاراتقان. قاۋىپتى جاعدايدا قالعان ادامدار سانى وتباسى مۇشەلەرىن قوسا العاندا، 100 مىڭ ادامعا جۋىقتاۋى ىقتيمال، دەپ جازادى باسىلىم.

ۇلى بريتانيا بيلىگى اقپاراتتىڭ تاراعانىن 2023 -جىلدىڭ تامىزىندا عانا بىلگەن جانە ولار بىردەن وسى ادامداردى كورولدىككە كوشىرۋ باعدارلاماسىن ىسكە قوسقان.

Financial Times ءتىڭ حابارلاۋىنشا، بريتانيا بيىلىگى وسى ۋاقىتتا جاريالانىپ كەتكەن قۇجاتتا اتى اتالعان 18,5 مىڭ اۋعاندىقتى كوشىرىپ ۇلگەرگەن. بۇل تىزىمگە قولدانىستاعى تەتىك بويىنشا كوشۋگە رۇقساتى بار ادامدار دا كىردى. اقپارتتىڭ تاراۋىنا تىكەلەي بايلانىستى 5,5 مىڭ ادام كوشىرىلگەن، تاعى 2,4 مىڭ ادام كوشىرىلەتىن بولادى.

ۇلى بريتانيانىڭ قورعانىس ءمينيسترى دجون حيلي قاۋىمدار پالاتاسىندا سويلەگەن سوزىندە ۆەدومستۆو تاراپىنان جىبەرىلگەن وسى قاتەلىك ءۇشىن كەشىرىم سۇرادى.

سونداي-اق قاتەلىكپەن ەسىمدەرى جاريالانىپ كەتكەن مىڭداعان اۋعاندىق بريتانيا ۇكىمەتىن سوتقا بەرەتىنىن مالىمدەدى.

The Daily Telegraph باسىلىمىنىڭ جازۋىنشا، اۋعاندىقتاردى شۇعىل كوشىرۋگە جۇمسالاتىن شىعىن بيۋدجەتتەگى ميللياردتاعان شىعىندى قىقارتۋعا ۇمتىلىپ وتىرعان ۇلى بريتانيا قارجى ءمينيسترى رەيچەل ريۆسكە قوسىمشا پروبلەما تۋدىرادى. باسىلىمنىڭ جازۋىنشا، ەندى ولارعا سالىق مولشەرىن كوتەرۋدەن باسقا امال جوق.

وسىعان دەيىن ۇلى بريتانيانىڭ 14 جىلدان كەيىن سيريامەن ديپلوماتيالىق قاتىناستاردى قايتا ورناتقانى تۋرالى جازدىق.