بريتاندىق قىز اتلانت مۇحيتىن ءجۇزىپ ءوتىپ، الەمدىك ءۇش رەكورد ورناتتى

استانا. KAZINFORM - زارا لاكلان ەسىمدى بريتاندىق قىز ەۋروپادان وڭتۇستىك امەريكاعا دەيىن 7 مىڭ شاقىرىمدى باعىندىرىپ، اتلانت مۇحيتىن قايىقپەن ءجۇزىپ وتكەن تاريحتاعى ەڭ جاس ادام اتاندى.

وسى ەرلىگى ءۇشىن ول گيننەستىڭ رەكوردتار كىتابىنا ءۇش نوميناتسيا بويىنشا ەندى.

21 جاستاعى لاكلان پورتۋگاليانىڭ لاگۋش قالاسىنان ءوزىنىڭ ەسكەكتى قايىعىمەن فرانتسۋز گۆيانناسىنىڭ استاناسى كاەننا جاعالاۋىنا 97 كۇن 10 ساعات 20 مينۋتتا جەتتى.

وسىلايشا ول اتلانت مۇحيتىن ءبىر قۇرلىقتان ەكىنشى كونتينەنتكە قايىقپەن ءجۇزىپ وتكەن العاشقى ايەل اتاندى. لاكلان، سونىمەن قاتار ەڭ جاس سپورتشى جانە مۇنداي ساياحاتتى جالعىز اياقتاعان ەڭ جاس ادام.

ساياحات كەزىندە زارا كۇنىنە كەمىندە 17 ساعات قايىقپەن ءجۇزىپ، ءار ۇيىقتاۋ ۋاقىتى 90 مينۋتتان اسپاعان.

ەسكە سالا كەتەيىك، ماروككو 7,2 ميلليون تۋريست قابىلداپ، جاڭا رەكورد ورناتتى.