بريتان بارلاۋ قىزمەتىنىڭ ەكس-باسشىسى تەرروريزم كۇشەيۋى مۇمكىن ەكەنىن ايتتى

استانا. KAZINFORM - بريتان بارلاۋ قىزمەتىنىڭ بۇرىنعى باسشىسى دجون سويەرس يزرايل ارمياسىنىڭ حاماس جەتەكشىسى ياحيا سينۆاردى ءولتىرۋى ۇلى بريتانياداعى لاڭكەستىك ارەكەتتەردىڭ كۇشەيۋىنە اكەلۋى مۇمكىن ەكەنىن ەسكەرتتى.

بۇل تۋرالى Kazinform-نىڭ مەنشىكتى ءتىلشىسى.

2009 -جىلدان 2014 -جىلعا دەيىن ۇلى بريتانيانىڭ بارلاۋ قىزمەتىن باسقارعان سويەرس Sky News-كە بەرگەن سۇحباتىندا «تەرروريزم تاياۋ شىعىستاعى سوڭعى وقيعالاردان كەيىن جاڭا سەرپىن الۋى مۇمكىن» ەكەنىن ايتتى. ول سونداي-اق حاماس ەندى حالىقارالىق تەرروريزمگە نازار اۋدارۋى مۇمكىن ەكەنىن اتاپ ءوتتى.

پالەستينا ماسەلەسىندە ىلگەرىلەۋشىلىك بولماعاندىقتان، ادامدار كۇن سايىن كورىپ وتىرعان زورلىق-زومبىلىقتان كوڭىلىمىز قالدى. «حەزبوللا» مەن حاماس- تىڭ جاڭا كوشباسشىلارى زورلىق- زومبىلىققا اۋەستەنەتىنى سونشالىق، ولار باتىس ەلدەرى مويىنداعان جانە يزرايلگە قارسى باعىتتالعان تەرروريستىك ۇيىم عانا ەمەس، حالىقارالىق تەرروريزمگە اينالىپ، سونىڭ ىشىندە ۇلى بريتانياعا دا ورالۋى مۇمكىن.

ۇلى بريتانيا پرەمەر-ءمينيسترى كير ستارمەر سەنبى كۇنى يزرايلدىك ارىپتەسى بينيامين نەتانياحۋمەن تەلەفون ارقىلى سويلەسىپ، تاياۋ شىعىستاعى اتىستى توقتاتۋعا شاقىردى. اڭگىمە يزرايل جاعالاۋىنداعى كەسارياداعى نەتانياحۋدىڭ جەكە ۇيىنە درون ۇشىرىلعان كۇنى بولعان. ءبىراق ول يزرايلدىڭ شابۋىلى 42000-نان استام پالەستينالىقتاردىڭ ءومىرىن قيعان گازا سەكتورىنا گۋمانيتارلىق كومەكتى جىبەرمەۋ ءۇشىن «كەز كەلگەن سىلتاۋلارعا» الەم بۇدان بىلاي شىدامايتىن بولادى.

ا ق ش-تا گازا سەكتورىنا تۇسەتىن كومەك كولەمىنە الاڭداۋشىلىق ءبىلدىرىپ، يزرايل ۇكىمەتىنە گۋمانيتارلىق جاعداي ناشارلاي بەرسە، ۆاشينگتون اسكەري قولداۋ كورسەتۋدەن باس تارتۋى مۇمكىن ەكەنىن ەسكەرتتى.

يزرايل مەن حاماس سينۆاردىڭ ولىمىنەن كەيىن ءبىتىم جاريالاعىسى كەلمەيتىنىن ءبىلدىردى، ال ليۆاندىق «حەزبوللا» ەلدىڭ سولتۇستىگىندە زىمىران ۇشىرىپ، شابۋىلدارىن جالعاستىرىپ جاتىر.

نەتانياحۋ ۇيىنە جاسالعان شابۋىلعا «حەزبوللانى» ايىپتاپ، ۇيىمنىڭ «قاتەرلى ويىن» باستاعانىن جەتكىزدى.

ەسكە سالساق، جۋىردا ليۆان يزرايلگە قاراي تاعى 30 زىمىران ۇشىرعان بولاتىن.