بريتان پارلامەنتىندە ساياساتكەردىڭ سيفرلىق «كوشىرمەسى» وتىرۋى مۇمكىن

استانا. KAZINFORM - ۇلى بريتانيادا العاش رەت ناعىز پارلامەنتشىدەن اۋمايتىن جاساندى ينتەللەكت ۇسىنىلدى، دەپ حابارلايدى Euronews.

ليدس- ساۋت-ۋەست جانە مورلي سايلاۋ وكرۋگتەرىنىڭ دەپۋتاتى، لەيبوريست مارك سيۋاردس تاۋلىك بويى سۇراقتارعا جاۋاپ بەرىپ، سايلاۋشىلارعا كومەك كورسەتەتىن جي بوتىن تانىستىردى.

- مەن ج ي سياقتى جاڭا تەحنولوگيالار دەپۋتاتتىڭ كەڭسەسى مەن ءبىز قىزمەت كورسەتەتىن قۇرامداس بولىكتەر اراسىنداعى بايلانىستى نىعايتۋعا قالاي كومەكتەسەتىنىن زەرتتەگىم كەلەدى، - دەدى سيۋاردس.

ول تۇرعىنداردى ءوزىنىڭ «سيفرلىق ەگىزىن» سىناپ كورۋگە شاقىردى.

مۇنداعى ماقسات - سايلاۋشىلار ءوز وكرۋگتەرىندە الاڭداۋشىلىق بىلدىرەتىن جانە ساياساتقا قاتىستى سۇراقتار قويۋ ءۇشىن تاۋلىك بويى پايدالانا الاتىن قىزمەت ۇسىنۋ. ەندى دەپۋتات كەڭسەسىنە جىبەرىلگەن حابارلاماعا جاۋاپ الۋ ءۇشىن اپتالاپ كۇتۋدىڭ قاجەتى جوق.

ج ي مارك دەپۋتاتتى الماستىرمايدى، دەگەن سيۋاردس، ءوز جۇمىسىن بۇرىنعىداي ىنتامەن اتقارۋعا ۋادە بەردى.

وتكەن جىلى جاپونيانىڭ يوكوسۋكا قالاسىنىڭ مەرى قالادا ورنالاسقان مىڭداعان اعىلشىن تىلىندە سويلەيتىن ا ق ش اسكەري-تەڭىز كۇشتەرى قىزمەتكەرلەرىمەن بايلانىستى جاقسارتۋ ءۇشىن ءوزىنىڭ سيفرلىق اۆاتارىن جاسادى.

دانيادا سينتەتيكالىق پارتيا دەپ اتالاتىن پارتيا ءتىپتى 2022 -جىلعى سايلاۋعا ءوزىنىڭ «ليدەر لارس» اتتى جي كانديداتىن ۇسىندى.

ساراپشىلار مۇنداي جوعارى تەحنولوگيالىق قۇرالداردى سايلاۋشىلاردى الداۋ ءۇشىن قولدانىلۋى مۇمكىن ەكەنىن اتاپ ءوتتى.

وسىعان ۇقساس وقيعالار يتاليانىڭ قورعانىس ءمينيسترى گۆيدو كروزەتتو، ا ق ش مەملەكەتتىك حاتشىسى ماركو رۋبيو، ايگىلى ءانشى تەيلور سۆيفت جانە اكتەر دجو روگانمەن بولعان.

ءبىز بۇعان دەيىن ج ي تەراپيەۆت قۇجاتتاما ۋاقىتىن @- عا دەيىن قىسقارتۋعا مۇمكىندىك بەرەگەنىن جازعانبىز.