بريۋسسەلدە ەۋروپالىق وداق پەن پارسى شىعاناعى ىنتىماقتاستىق كەڭەسى باسشىلارىنىڭ ءبىرىنشى سامميتى وتەدى

استانا. KAZINFORM - سامميت بۇگىن پارسى شىعاناعىنداعى اراب مەملەكەتتەرى ىنتىماقتاستىعى كەڭەسىنىڭ كەزەكتى پرەزيدەنتى رەتىندە ءبىرىن ءبىرى اۋىستىراتىن ەۋروپالىق كەڭەس ءتوراعاسى شارل ميشەل مەن كاتار ءامىرى شەيح تاميم بەن حاماد ءال ءتانيدىڭ تەڭ توراعالىعىمەن وتەدى، دەپ حابارلايدى Kazinform-نىڭ مەنشىكتى ءتىلشىسى ارنۇر راحىمبەكوۆ.

ەۋروپالىق وداقتا اتاپ وتكەندەي، الداعى سامميت - ە و ءۇشىن پارسى شىعاناعىنداعى اراب مەملەكەتتەرى ىنتىماقتاستىعى كەڭەسى(پ ش ا م ى ك)  جانە وعان مۇشە مەملەكەتتەر، سونداي-ا ق ە و-نىڭ گەوستراتەگيالىق سەرىكتەستەرى (بىرىككەن اراب امىرلىكتەرى، باحرەين كورولدىگى، ساۋد ارابياسى كورولدىگى، ومان سۇلتاندىعى، كاتار مەملەكەتى جانە كۋۆەيت مەملەكەتى) تىعىز سەرىكتەستىك ورناتۋ مۇمكىندىگى.

تالقىلاۋدىڭ نەگىزگى تاقىرىپتارى - ورتاق نەگىزگى جاھاندىق سىن-قاتەرلەر ەكونوميكالىق ىنتىماقتاستىق، ونىڭ ىشىندە ساۋدا مەن ينۆەستيتسيا، تۇراقتى ەنەرگەتيكانى دامىتۋ جانە كليماتتىق بايلانىستار جانە ادامدار اراسىنداعى بايلانىس بويىنشا ودان ءارى ىنتىماقتاستىقتىڭ جولدارى.

ەۋرووداق پەن پارسى شىعاناعىنداعى اراب مەملەكەتتەرى ىنتىماقتاستىعى كەڭەسىنىڭ قارىم-قاتىناستارى 1989 -جىلى قول قويىلعان ىنتىماقتاستىق كەلىسىمىنە نەگىزدەلگەن، ول ە و مەن پشامىك اراسىنداعى ەكونوميكالىق قارىم-قاتىناستار، كليماتتىڭ وزگەرۋى، ەنەرگەتيكا، قورشاعان ورتا جانە عىلىمي زەرتتەۋلەر سالالارىنداعى ىنتىماقتاستىق بويىنشا تۇراقتى ديالوگتى بەلگىلەيدى.

ىنتىماقتاستىق كەلىسىمى ارقىلى سونىمەن قاتار تۇراقتى تۇردە جينالاتىن سىرتقى ىستەر مينيسترلەرى دەڭگەيىندە ە و- پشامىك بىرلەسكەن كەڭەسى قۇرىلدى.

2022 -جىلدىڭ اقپانىندا بريۋسسەلدە وتكەن بىرلەسكەن كەڭەس بارىسىندا ە و جانە پارسى شىعاناعى ەلدەرىنىڭ سىرتقى ىستەر مينيسترلەرى 2022-2027 -جىلدارعا ارنالعان بىرلەسكەن ىنتىماقتاستىق باعدارلاماسىن ماقۇلدادى، بۇل باعدارلاما 2023 -جىلدىڭ قازانىندا جاڭارتىلدى.

باعدارلاما ناقتى بىرلەسكەن ءىس-شارالار جانە كوپتەگەن سەكتورلارداعى ىنتىماقتاستىقتى تەرەڭدەتۋ بەلگىلەنگەن: ساۋدا جانە ينۆەستيسيا، كليماتتىڭ وزگەرۋى، جاسىل كوشۋ، ادامدار اراسىنداعى باستامالار، تەرروريزمگە قارسى كۇرەس.

2022 -جىلدىڭ ماۋسىمىندا لۋيدجي دي مايو ەۋروپالىق وداقتىڭ پارسى شىعاناعى ەلدەرىندەگى تۇڭعىش ارنايى وكىلى بولىپ تاعايىندالدى. ول ە و-نىڭ پارسى شىعاناعى ايماعىنداعى ەلدەرمەن نەعۇرلىم كۇشتى، جان-جاقتى جانە ستراتەگيالىق سەرىكتەستىگىن ودان ءارى دامىتۋعا جاۋاپتى.

اۆتور
زارينا تۋعانبايەۆا