بريۋسسەلدە ەۋروپالىق وداق-باتىس بالقان سامميتى ءوتتى
استانا. KAZINFORM - ەۋروپا استاناسىندا ە و-عا مۇشە ەلدەر مەن ايماقتىڭ التى مەملەكەتى باسشىسىنىڭ قاتىسۋىمەن «ەۋرووداق-باتىس بالقان» سامميتى ءوتتى، دەپ حابارلايدى Kazinform مەنشىكتى ءتىلشىسى.
كەزدەسۋ ە و مەن باتىس بالقان ەلدەرى اراسىنداعى ستراتەگيالىق سەرىكتەستىككە جاڭا سەرپىن بەرۋگە، سونىڭ ىشىندە وسى سەرىكتەستىكتى تەرەڭدەتۋ جانە ەۋروپالىق وداقتاعى ورتاق بولاشاققا بىرگە ىلگەرىلەۋ جولدارىن تالقىلاۋعا مۇمكىندىك بەرەدى، دەپ حابارلادى ەۋروپالىق وداق وكىلدەرى.
تالقىلاۋدىڭ نەگىزگى تاقىرىپتارى: ەكونوميكالىق ءوسۋ جوسپارى ارقىلى ە و جانە باتىس بالقان ەلدەرىنىڭ ينتەگراتسياسىن نىعايتۋ، سىرتقى جانە قاۋىپسىزدىك ساياساتىن قوسا العاندا، كوپتەگەن سالالاردا باتىس بالقان ەلدەرىمەن ساياسي بايلانىستاردى تەرەڭدەتۋ، كوشى-قوندى باسقارۋ جانە سىبايلاس جەمقورلىقپەن جانە ۇيىمداسقان قىلمىسپەن كۇرەس سالاسىنداعى ىنتىماقتاستىق.
باسشىلار سونداي-اق ەكى ايماقتىڭ گەوساياسي كونتەكستى مەن قيىندىقتارىن تالقىلادى. سامميتكە ەۋروپالىق كەڭەستىڭ جاڭا پرەزيدەنتى انتونيۋ كوشتا ءتوراعالىق ەتتى. سامميت قورىتىندىسى بويىنشا دەكلاراتسيا قابىلدانادى دەپ كۇتىلىپ وتىر.
وسىعان دەيىن بريۋسسەلدە ەۋروپالىق وداق پەن پارسى شىعاناعى ىنتىماقتاستىق كەڭەسى باسشىلارىنىڭ ءبىرىنشى ءسامميتى وتەتىنى تۋرالى حابارلاندى.