بۇرىنعى وبلىس اكىمى سوتتالىپ جاتىر

كوكشەتاۋ. KAZINFORM - كوكشەتاۋ قالالىق سوتىندا سولتۇستىك قازاقستان وبلىسىنىڭ بۇرىنعى اكىمى، سەناتتىڭ ەكس- دەپۋتاتى سامات ەسكەندىروۆكە قاتىستى سوت پروتسەسى ءوتىپ جاتىر.

اقمولا وبلىسى سوتىنىڭ باسپا ءسوز قىزمەتىنىڭ مالىمەتىنشە، سوت پروتسەسسى وسى جىلدىڭ 3- ماۋسىمىندا باستالعان.

«سوتتالۋشىعا ق ر قىلمىستىق كودەكسىنىڭ 4-بابىنىڭ 2-بولىمشەسى «اسا ءىرى كولەمدە الاياقتىق جاساۋ» بويىنشا ايىپ تاعىلىپ وتىر. قازىرگى كەزدە سوت جابىرلەۋشىلەردەن جاۋاپ الىپ جاتىر. كەلەسى سوت وتىرىسى 2024 -جىلدىڭ 31-شىلدەسىنە جوسپارلانعان»، - دەپ ءتۇسىندىردى ۆەدومستۆودان.

تەرگەۋ مالىمەتى بويىنشا، ول اقمولا وبلىسىنىڭ بۋراباي اۋدانىنداعى اقىلباي اۋىلى تۇرعىندارىنىڭ جەرىن بانككە زاڭسىز كەپىلدىككە وتكىزىپ جىبەرگەن.

ايتا كەتسەك، سامات ەسكەندىروۆ ۇزاق جىلدار بويى س ق و ءبىرقاتار اۋداندارىنىڭ اكىمى بولدى.

2011 -جىلى ق ر پارلامەنتى سەناتىنىڭ دەپۋتاتى، 2013 -جىلى سولتۇستىك قازاقستان وبلىسىنىڭ اكىمى قىزمەتىن اتقاردى.

قاراماعىنداعى جوعارى لاۋازىمدى شەنەۋنىكتەردىڭ جەمقورلىقپەن ۇستالۋىنا بايلانىستى 2014 -جىلى قىزمەتىنەن كەتتى.

ەسكە سالايىق، مۇنىڭ الدىندا اقمولادا الاياقتىق جاسادى دەگەن كۇدىكپەن تۇرمە باستىعى ۇستالعان ەدى.