انتيكوررۋپتسيالىق قىزمەت مەملەكەت باسشىسىنىڭ زاڭسىز شىعارىلعان اكتيۆتەردى ىزدەۋ جانە قايتارۋ جونىندەگى تاپسىرماسىن ورىنداۋ شەڭبەرىندە ادىلەت ەكس-ءمينيسترىن لاۋازىمدىق وكىلەتتىگىن اسىرا پايدالاندى دەگەن كۇدىك بويىنشا ۇستادى، دەپ حابارلايدى Kazinform اگەنتتىكتىڭ باسپا ءسوز قىزمەتىنە سىلتەمە جاساپ.
ول تالاپ ەتىلمەيتىن قىزمەتتەردى كورسەتۋگە جىل سايىنعى كەلىسىمشارتتار جاساۋ ارقىلى ۇلەستەس كومپانيانىڭ مۇددەلەرىن قولدادى. بۇل ارەكەت مەملەكەتكە ۇلكەن زيان كەلتىردى. قازىر اكتيۆتەردى قايتارۋ بويىنشا جۇمىس جالعاسىپ جاتىر.
«قىلمىستىق- پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى. كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق- پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى»، - دەپ جازىلعان حابارلامادا.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан