بۇرىن-سوڭدى ادام كوزى كورمەگەن جاڭا ءتۇس پايدا بولدى

عالىمدار بۇرىن-سوڭدى ادام كوزى كورمەگەن مۇلدە جاڭا ءتۇستى اشتى. ءتۇستىڭ اتاۋى - «ولو». ەرەكشەلىگى سول - بۇل ءتۇستى ەكران ارقىلى كورسەتۋ مۇمكىن ەمەس، ونى تەك كوزدىڭ تور قابىعىنا ارنايى ستيمۋلياتسيا جاساۋ ارقىلى عانا كورۋگە بولادى.

عالىمداردىڭ ايتۋىنشا، «ولو» - كوك تە ەمەس، جاسىل دا ەمەس، ەكەۋىنىڭ اراسى دا ەمەس. بۇل ءتۇستى سوزبەن سيپاتتاۋ مۇمكىن ەمەس، سەبەبى ول ادام ميىنا بەيمالىم، بۇرىن بولماعان اسەر تۋدىرادى. ميدىڭ ءوزى بۇل ءتۇستى قاي كاتەگورياعا جاتقىزارىن بىلمەي، «شاتاسىپ» قالادى.

قازىرگى تاڭدا «ولو» ءتۇسىن كورۋ باقىتى الەم بويىنشا نەبارى بەس ادامعا عانا بۇيىرعان.