بەرىك ءابدىعالي ۇلى ق ر ۇلتتىق مۋزەيى ديرەكتورىنىڭ مىندەتىن اتقارادى

استانا. KAZINFORM - بەرىك ءابدىعالي ۇلى قازاقستان رەسپۋبليكاسى ۇلتتىق مۋزەيى ديرەكتورىنىڭ مىندەتىن ۋاقىتشا اتقارۋشى قىزمەتىنە تاعايىندالدى، دەپ حابارلايدى ق ر مادەنيەت جانە اقپارات مينيسترلىگىنىڭ باسپا ءسوز قىزمەتى.

ق ر مادەنيەت جانە اقپارات ءمينيسترىنىڭ م. ا. ايزادا قۇرمانوۆا مۋزەيگە ارنايى كەلىپ، بەرىك ءابدىعالي ۇلىن مۋزەي ۇجىمىنا تانىستىردى.

بەرىك ءابدىعالي ۇلى 1971 -جىلى تۋعان. ءبىلىمى جوعارى: 1994 -جىلى ءال- فارابي اتىنداعى قازاق ۇلتتىق ۋنيۆەرسيتەتىن «تاريح جانە قوعامتانۋ وقىتۋشىسى» ماماندىعى بويىنشا ءتامامداعان.

ءار جىلدارى پرەزيدەنت جانىنداعى قازاقستاننىڭ ستراتەگيالىق زەرتتەۋلەر ينستيتۋتىندا قىزمەت ەتتى.

- 2010-2013 -جىلدارى ۇلىتاۋ اۋدانى اكىمى، جەزقازعان قالاسىنىڭ اكىمى، ارقالىق قالاسىنىڭ اكىمى، قاراعاندى وبلىسى اكىمىنىڭ ورىنباسارى؛

- 2016 -جىلى ق ر قورعانىس مينيسترلىگىنىڭ قر قارۋلى كۇشتەرى اسكەري-تاريحي مۋزەيىنىڭ باس عىلىمي قىزمەتكەرى؛

- 2017-2019 -جىلدارى ق ر ۇلتتىق مۋزەيىنىڭ «قاسيەتتى قازاقستان» عىلىمي- زەرتتەۋ ورتالىعىنىڭ جەتەكشىسى؛

- 2019-2021 -جىلدارى قاراعاندى وبلىسى ۇلىتاۋ اۋدانىنىڭ اكىمى.

- 2021-2022 -جىلدارى ق ر پارلامەنتى ءماجىلىسىنىڭ دەپۋتاتى؛

- 2022-2024 -جىلدارى ۇلىتاۋ وبلىسىنىڭ اكىمى لاۋازىمىن اتقارعان.