كيبەرشابۋىل سالدارىنان قاسكويلەر مەديتسينالىق مەكەمەنىڭ سايتى ورنالاسقان سەرۆەرگە كىرگەن. زارداپ شەككەندەردىڭ قاتارىندا كلينيكا قىزمەتكەرلەرى، ستۋدەنتتەر جانە Charité مەكەمەسىنە ونلاين نىسان ارقىلى، سونىڭ ىشىندە دارىگەر قابىلداۋىنا جازىلۋ ءۇشىن جۇگىنگەن بوگدە ادامدار بولۋى مۇمكىن.
ازىرگە ناقتى قانداي مالىمەتتەردىڭ ۇرلانعانى جانە شابۋىلدان قانشا ادامنىڭ زارداپ شەككەنى بەلگىسىز. كلينيكا اكىمشىلىگى زارداپ شەككەندەردىڭ بارلىعىنا جاقىن ارادا جەكە حابار بەرۋگە ۋادە ەتتى.
بۇزۋ فاكتىسى انىقتالعاننان كەيىن ماماندار وقيعانىڭ سەبەپتەرىن تەكسەرۋگە كىرىسىپ، باسقا اقپاراتتىق جۇيەلەردىڭ قورعانىسىن كۇشەيتكەن.
سونىمەن قاتار Charité كلينيكاسى قاداعالاۋ جانە قۇقىق قورعاۋ ورگاندارىمەن بىرلەسىپ جۇمىس ىستەپ جاتىر. اكىمشىلىكتىڭ مالىمەتىنشە، كيبەرشابۋىلعا قاراماستان، ناۋقاستارعا مەديتسينالىق كومەك كورسەتۋ توقتاعان جوق. اۋرۋحانا ادەتتەگى رەجيمدە جۇمىس ىستەپ تۇر.
وتكەن اپتادا دا PHP جۇيەسىندەگى وسالدىق انىقتالعاندىقتان، Charité ءوز سايتىن ۋاقىتشا وشىرگەن بولاتىن. الايدا كلينيكا وكىلدەرى جاڭا كيبەرشابۋىلدىڭ بۇل جاعدايعا قاتىسى جوق ەكەنىن مالىمدەدى.
ايتا كەتەلىك جاپونيالىق GMO Internet كومپانياسى حاكەرلەردى تابۋعا 1 ميلليون دوللار سىياقى ۇسىنعان ەدى.