شىعارماشىلىق ساپار بارىسىندا ولار ەل استاناسى بەرلين قالاسىنداعى ايگىلى براندەنبۋرگ قاقپاسىنىڭ الدىندا قازاق مادەنيەتىنىڭ باي مۇراسىن ناسيحاتتادى.
- ۇلتتىق كيىم كيگەن ارتىستەر پاتريوتتىق اندەردى اۋەلەتە شىرقاپ، شەتەلدىك تۋريستەر مەن قالا تۇرعىندارىنا قازاق حالقىنىڭ باي مادەني مۇراسى مەن رۋحاني قۇندىلىقتارىن پاش ەتتى. اسەم ءان مەن ۇلتتىق ناقىشتاعى ونەر كورسەتىلىمى شەتەلدىك كورەرمەندەردىڭ نازارىن اۋدارىپ، ولارعا قازاق ونەرىنىڭ ەرەكشەلىگىن سەزىنۋگە مۇمكىندىك بەردى،- دەپ حابارلادى وبلىستىق مادەنيەت، ارحيۆتەر جانە قۇجاتتاما باسقارماسى.
بۇل - ۇلتتىق ونەرىمىزدى حالىقارالىق دەڭگەيدە دارىپتەپ، قازاقستاننىڭ مادەني كەلبەتىن تانىتۋعا باعىتتالعان ماڭىزدى قادام. ءان ارقىلى ەلدىڭ رۋحىن جەتكىزگەن شىعارماشىلىق ۇجىم قازاق مادەنيەتىنىڭ ءورىسىن كەڭەيتىپ، ونەردىڭ ۇلت پەن ۇلتتى جاقىنداستىراتىن ورتاق ءتىل ەكەنىن تاعى ءبىر مارتە دالەلدەدى.
بۇعان دەيىن قازاقستاننىڭ فرانتسياداعى ەلشىلىگى جانە قىزىلوردا وبلىسى اكىمدىگىنىڭ قولداۋىمەن پاريجدەگى اتاقتى ديپلوماتيالىق زالداردىڭ ءبىرى - Cercle de l’Union Interalliée عيماراتىندا قىزىلوردا وبلىستىق فيلارمونياسىنىڭ كونسەرتى ءوتتى.