قىمباتتىڭ «بۇركىت» جاساعىنا كەلۋى دۋبايدا وتكەن SWAT Challenge حالىقارالىق جارىسىمەن بايلانىستى. ول بۇل دودادا قازاقستان اتىنان ونەر كورسەتكەن «توميريس» قىزدار كومانداسىنىڭ قۇرامىندا باق سىنادى. ايەلدەر اراسىنداعى ساناتتا قازاقستاندىق كوماندا قارسىلاستارىنان وزىپ، ءبىرىنشى ورىندى يەلەندى. ال جالپى كوماندالىق ەسەپتە 18-ورىنعا تۇراقتاپ، ءبىرقاتار ەرلەر قۇرامالارىنان جوعارى ناتيجە كورسەتتى.
جارىس بارىسىندا مەرگەندىگىمەن كوزگە تۇسكەن كيتاناعا «بۇركىت» ارنايى جاساعى ۇسىنىس تاستايدى. ول كوپ ويلانباستان كەلىسىم بەرىپ، وسىلايشا بولىمشە تاريحىنداعى العاشقى قىز اسكەري قىزمەتشى اتاندى.
قىمباتتىڭ سپورتتاعى جەتىستىكتەرى دە از ەمەس. ول - قويان-قولتىق ۇرىستان التى دۇركىن قازاقستان چەمپيونى، الەم چەمپيوناتىنىڭ كۇمىس جانە ەكى قولا جۇلدەگەرى، الەم كۋبوگى، ەۋروپا جانە ازيا چەمپيوناتتارىنىڭ كۇمىس جۇلدەگەرى.
دجيۋ-دجيتسۋدان ءۇش دۇركىن الەم، ازيا چەمپيونى جانە ەكى دۇركىن ەۋروپا چەمپيونى اتانعان. م م ا بويىنشا قازاقستان جانە ازيا چەمپيونى، جاۋىنگەرلىك سامبودان ەل چەمپيونى ءارى الەم چەمپيوناتىنىڭ قولا جۇلدەگەرى.
بۇدان بولەك، دۇنيەجۇزىلىك پوليتسيا ويىندارىندا دزيۋدودان التىن، دجيۋ-دجيتسۋدان كۇمىس مەدال جەڭىپ العان. قويان-قولتىق ۇرىس، دجيۋ-دجيتسۋدان حالىقارالىق دارەجەدەگى سپورت شەبەرى، سامبو مەن م م ا- دان سپورت شەبەرى.
قازىر قىمباتتىڭ العا قويعان باستى ماقساتى - كۇرەڭ بەرەت سىناعىنان سۇرىنبەي ءوتۋ. بۇل سىناق جاۋىنگەردىڭ دەنە دايىندىعىن، توزىمدىلىگى مەن رۋحىنىڭ بەرىكتىگىن تالاپ ەتەدى. ماقساتىنا جەتسە، ول ۇلتتىق ۇلان تاريحىندا كۇرەڭ بەرەتكە قول جەتكىزگەن العاشقى قىز جاۋىنگەر اتانباق.
ەسكە سالا كەتەيىك، بۇعان دەيىن قىمبات قازاقستان كۋبوگىنىڭ جەڭىمپازى اتانعان بولاتىن.