استانا. KAZINFORM - شىمكەنتتە قالا اكىمىنىڭ ورىنباسارى رۋسلان بەردەنوۆكە جاسالعان قاستاندىق تۋرالى ءىس بويىنشا سوت وتىرىسى ءوتىپ جاتىر. بۇگىن ايىپتالۋشى ەرنار جيەمباي سوڭعى ءسوزىن سويلەدى.
ايىپتالۋشى سوڭعى سوزىندە كىنانى ءىشىنارا مويىنداپ، جابىرلەنۋشىدەن كەشىرىم سۇرادى.
«تاعىلعان ايىپپەن ءىشىنارا كەلىسەمىن. الايدا بۇل وقيعا وزدىگىنەن بولعان جوق دەپ سەنىممەن ايتا الامىن. اقىل-ەسىم ساۋ، بۇل ساراپتاما ناتيجەلەرىمەن دە راستالادى. ەشقانداي سەبەپسىز بەيتانىس ادامدى قورقىتۋ ءۇشىن قارۋ الىپ، اتپاس ەدىم. سوت پروتسەسىندە بەرگەن ايعاقتارىمدى تولىق راستايمىن. جابىرلەنۋشى رۋسلان ارىسبەك ۇلى بەردەنوۆتەن بولعان وقيعا ءۇشىن كەشىرىم سۇرايمىن»، - دەدى ول.
سۋديا ءابىنۇر قارابايەۆ كەڭەسۋ بولمەسىنە شىقتى. بۇل ءىس بويىنشا ۇكىم جاريالاناتىن ۋاقىت قوسىمشا حابارلانادى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.