برازيليانىڭ ەكس-پرەزيدەنتى اۋرۋحاناعا ءتۇستى
استانا. KAZINFORM - برازيليانىڭ ەكس-پرەزيدەنتى جاير بولسونارۋ 2018-جىلى سايلاۋالدى ميتينگ كەزىندە پىشاق جاراقاتىن العان ەدى، جۇما كۇنى ول قاتتى ءىش اۋرۋىنا بايلانىستى اۋرۋحاناعا تۇسكەن، دەپ حابارلايدى BBC.
ليبەرالدى پارتيا وكىلىنىڭ AFP عا بەرگەن تۇسىنىكتەمەسىنە سايكەس، 70 جاستاعى بولسونارۋ ريۋ-گراندي-دۋ-نورتي شتاتىنداعى پارتيا ۇيىمداستىرعان ءىس-شاراعا قاتىسقان. كەيىننەن ونىڭ جاعدايى كۇرت ناشارلاعان.
اقپان ايىندا وعان 2022-جىلعى سايلاۋدا جەڭىلىس تاپقاننان كەيىن مەملەكەتتىك توڭكەرىس ارەكەتىن جاساۋعا قاتىستى ايىپ تاعىلدى.
بولسونارۋ ءوز كىناسىن جوققا شىعارىپ، ساياسي قۋدالاۋدىڭ قۇربانى بولعانىن مالىمدەدى.
ەگەر ايىپتاۋ ۇكىمى شىقسا، ول ۇزاق مەرزىمگە قامالۋى مۇمكىن.
ايتا كەتەيىك، سوت پروتسەسى 2025-جىلدىڭ سوڭىنا دەيىن باستالادى دەپ جوسپارلانعان.
بۇعان دەيىن برازيليانىڭ بۇرىنعى پرەزيدەنتى ديلما رۋسسەفف اۋرۋحاناعا ءتۇسىپ قالعانى انىقتالدى.