ءورت شىققان پاۆيلوننان ادامدار سىرتقا شىعارىلعان. وقيعا جەدەل جەتكەن ءورت سوندىرۋشىلەر قىزىل جالىندى تولىق سوندىرگەن.
- ءورتتىڭ نەدەن شىققانى تەرگەۋ بارىسىندا انىقتالادى، ءبىراق مەن ونىڭ قاساقانا جاسالعان قىلمىس ەكەنىنە كۇمانىم بار، - دەدى برازيليانىڭ تۋريزم ءمينيسترى سەلسو سابينو.
ءورت كونفەرەنسياداعى تالقىلاۋلارعا بارىنشا كەدەرگىسىن كەلتىرگەن، سەبەبى كەلىسسوزدەردىڭ سوڭعى كەزەڭى جاقىنداپ قالعان ەدى.
- COP30-داعى ب ۇ ۇ-نىڭ كليمات جونىندەگى جۇمىسىن، حالىقتىق پلەنارلىق وتىرىستى بۇزىپ، كەلىسسوزدەرگە كەدەرگى كەلتىرگەن ءورت، وكىنىشكە قاراي، ايقىن مەتافوراعا اينالدى، - دەدى ا ق ش-تان كەلگەن بەلسەندى دجەس ۆەسپونتە.
بۇعان دەيىن برازيليانىڭ بەلەم قالاسىندا كليماتتىڭ وزگەرۋىنە بايلانىستى وتكەن ب ۇ ۇ-نىڭ 30-كونفەرەنسياسىندا 12 ەلدەن تۇراتىن توپ كليماتتىڭ وزگەرۋى تۋرالى دەكلاراتسياعا قول قويعانى حابارلانعان.