استانا. KAZINFORM - قازاقستاندىق جەكپە-جەك شەبەرى اسۋ المابايەۆ (21-2) لاس-ۆەگاستا (ا ق ش) وتكەن UFC Fight Night 245 تۋرنيرىندە برازياليالىق ماتەۋس نيكولاۋدى (19-5-1) جەڭگەن سوڭ رەيتينگى كۇرت ءوستى، دەپ حابارلايدى Sports.kz.
جەكپە-جەك الدىنا اسۋ ەڭ جەڭىل سالماقتاعى فايتەرلەر اراسىندا 14- ورىندا، ال ونىڭ برازيليالىق قارسىلاسى 7-ورىندا تۇرعان بولاتىن. بۇگىنگى جەڭىسىنىڭ ارقاسىندا اسۋ برازياليالىقتى كەيىنگە ىسىرىپ، 7-ورىنعا تۇراقتادى.
ايتا كەتەيىك، اسۋ المابايەۆ UFC الاڭىندا 4 كەزدەسۋ وتكىزىپ، تورتەۋىندە دە جەڭىسكە جەتتى (بىرەۋىن ۋاقىتىنان بۇرىن جەڭىپ، ۇشەۋىن تورەشىلەر شەشىمىمەن). برازيليالىق نيكولاۋمەن جەكپە-جەگىنەن سوڭ ول دانا ۋايتتان تاعى ءبىر تيتۋل ءۇشىن جەكپە-جەك ۇيىمداستىرۋدى سۇرادى.
وسىعان دەيىن اسۋ المابايەۆتىڭ UFC- دە ءتورت مارتە جەڭىسكە جەتكەنىن جازدىق.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.