تەلەارنانىڭ مالىمەتىنشە، برازيليانىڭ بۇرىنعى پرەزيدەنتى جاير بولسونارۋدىڭ ۇلى وتباسى مۇشەلەرىمەن بىرگە ا ق ش- قا بارعان.
بىرنەشە برازيليالىق پارلامەنت مۇشەسى ونى سەناتورلىق مانداتىنان ايىرۋدى ۇسىندى. سونداي-اق ولار ساياساتكەرگە جالاقى تولەۋدى دەرەۋ توقتاتۋعا شاقىردى.
2026 -جىلعى ماۋسىمدا فلاۆيۋ بولسونارۋ ليبەرالدىق پارتيادان برازيليا پرەزيدەنتتىگىنە كانديدات رەتىندە ۇسىنىلعان ەدى. سايلاۋ ناۋقانى اياسىندا ول حالىقارالىق بايلانىستارىن دا جانداندىرىپ، ۆاشينگتوندا ا ق ش پرەزيدەنتى دونالد ترامپپەن، ۆيتسە-پرەزيدەنت دجەي دي ۆەنسپەن جانە مەملەكەتتىك دەپارتامەنت باسشىسى ماركو رۋبيومەن كەزدەسكەن.
برازيليادا پرەزيدەنت سايلاۋىنىڭ ەكىنشى كەزەڭى 25 -قازاندا باستالدى. بۇل كەزەڭدە فلاۆيۋ بولسونارۋ قازىرگى پرەزيدەنت لۋيس يناسيۋ لۋلا دا سيلۆامەن باسەكەگە ءتۇستى. الايدا 26 -قازاندا لۋلا دا سيلۆا قايتا سايلانىپ، جاڭا مەرزىمگە وكىلەتتىگىن 2027 -جىلعى 1- قاڭتاردا باستايدى.
ەسكە سالا كەتەيىك، فلاۆيۋ بولسونارۋدىڭ اكەسى، برازيليانىڭ بۇرىنعى پرەزيدەنتى جاير بولسونارۋ 2025 -جىلعى قاراشادان باستاپ مەملەكەتتىك توڭكەرىس جاساۋ ارەكەتى ءۇشىن 27 جىلدىق جازاسىن وتەپ جاتىر. ول 2022 -جىلعى سايلاۋدان كەيىن لۋيس يناسيۋ لۋلا دا سيلۆانىڭ پرەزيدەنتتىك قىزمەتكە كىرىسۋىنە كەدەرگى كەلتىرۋ ماقساتىندا ءسوز بايلاسقان دەپ تانىلعان. پروكۋرورلاردىڭ مالىمدەۋىنشە، جوسپار جوعارى اسكەري باسشىلىقتىڭ قولداۋىن الا الماعاندىقتان جۇزەگە اسپاعان.
ەسكە سالا كەتەيىك، بۇعان دەيىن لۋلا دا سيلۆا برازيليا پرەزيدەنتى بولىپ قايتا سايلانعانىن جازدىق.
ال قاسىم-جومارت توقايەۆ لۋلا دا سيلۆانى پرەزيدەنت سايلاۋىنداعى جەڭىسىمەن قۇتتىقتادى.