بۇل جۇيەدەگى اقاۋ نەمەسە كىرۋگە شەكتەۋ ەمەس، ەلدەگى ەڭ تانىمال تۋريستىك باعىتتاردىڭ بىرىنە دەگەن جوعارى سۇرانىستىڭ ناتيجەسى.
وسىعان بايلانىستى كەلۋشىلەرگە ۋاقىتتى ۇنەمدەۋ جانە ءبوپ-2 جۇكتەمەسىن ازايتۋ ءۇشىن شىعۋ باعىتىن الدىن الا جوسپارلاۋ ۇسىنىلادى.
«پارك اكىمشىلىگى كەلۋشىلەردەن جۇكتەمەنى ەسكەرىپ، شىعۋ باعىتىن الدىن الا تاڭداۋدى سۇرايدى. اۋماقتان كۇتۋسىز ءارى جىلدام شىعۋعا مۇمكىندىك بەرەتىن بىرنەشە بالاما باعىت بار»، - دەدى ديرەكتوردىڭ ورىنباسارى ۆەنەرا نۋگمانوۆا.
ءبىرىنشى باقىلاۋ-وتكىزۋ پۋنكتى «استانا -كوكشەتاۋ» تاسجولىنا شىعارادى جانە ەلورداعا نەمەسە سولتۇستىك باعىتقا بەت العاندار ءۇشىن قولايلى. ءۇشىنشى باقىلاۋ- وتكىزۋ پۋنكتى شۋچينسك قالاسى ارقىلى وتەدى جانە كۋرورتتىق ايماقتاعى كولىك اعىنىن ءتيىمدى بولۋگە مۇمكىندىك بەرەدى. ءتورتىنشى باقىلاۋ- وتكىزۋ پۋنكتى «بالداۋرەن» بالالار ورتالىعى ارقىلى ورنالاسقان جانە نەگىزگى شىعۋ نۇكتەسىندەگى جۇكتەمەنى ازايتۋعا ىقپال ەتەدى.
اتالعان باعىتتاردى پايدالانۋ جولعا كەتەتىن ۋاقىتتى قىسقارتىپ، ۇلتتىق پارك ينفراقۇرىلىمىنا تۇسەتىن سالماقتى ازايتادى.
كەلۋشىلەرگە قولايلىلىق ءۇشىن كىرۋ تولەمىنىڭ بىرنەشە ءتاسىلى قاراستىرىلعان: Kaspi.kz جانە Halyk قوسىمشالارى ارقىلى، حالىقارالىق تولەم جۇيەلەرىنىڭ كارتالارىمەن جانە قولما-قول تولەۋگە بولادى. بۇل كىرۋ جانە شىعۋ كەزىندە كىدىرىستەردىڭ الدىن الۋعا كومەكتەسەدى.
«بۋراباي» ۇلتتىق پاركى تەك دەمالىس ورنى عانا ەمەس، سونىمەن قاتار تابيعي تەپە-تەڭدىكتى ساقتاۋعا ەرەكشە ءمان بەرىلەتىن اۋماق بولىپ قالا بەرەدى.
«باعىتتى دۇرىس تاڭداۋ ءار كەلۋشىنىڭ ساپارىن جايلى ەتەدى جانە بۇكىل جۇيەنىڭ ارتىق جۇكتەمەسىز جۇمىس ىستەۋىنە مۇمكىندىك بەرەدى»، - دەپ اتاپ ءوتتى پارك وكىلدەرى.
ايتا كەتەيىك، بۇعان دەيىن شۋچە-بۋراباي كۋرورتتىق ايماعىن دامىتۋعا 137,2 ميلليارد تەڭگە جۇمسالاتىنى حابارلاندى.