بۋراباي كۋرورتىندا قىسقى ماۋسىم اشىلدى

بۋراباي كۋرورتىندا تۋريستەر ءۇشىن قىسقى ماۋسىم اشىلدى، دەپ حابارلايدى Kazinform.

«بۋراباي دامۋ» ج ش س باسپا ءسوز قىزمەتىنىڭ مالىمەتىنشە، بۋرابايدىڭ ايگىلى ورماندارىنىنا، ءمولدىر كولدەرىنە جىل سايىن جۇزدەگەن مىڭ تۋريست كەلەدى. بۇل ايماق قىس مەزگىلىندە دە تاڭعاجايىپ سۇلۋلىعىمەن تاڭعالدىرادى.

سانتانىڭ كەڭ سارايى

بيىل كۋرورتتىق ايماقتاعى «قازاقستان لاپلاندياسى» جاڭارتىلىپ، ەسىگىن ايقارا اشىپ، قوناقتارىن كەزەكتى مارتە قارسى الۋدى باستادى. كەلگەن ادامداردى سانتا كلاۋستىڭ ەلف-كومەكشىلەرى ەسىك الدىنان كۇتىپ الىپ، رەزيدەنتسيا ساياحات جاساۋعا شاقىرادى.

سانتا-كلاۋس وزىنە لايىقتى مەكەندى بۋراباي اۋدانىنداعى «قازاقستان لاپلاندياسىنان» تاپتى. بۇل جەردە بالالارعا دا، ەرەسەكتەرگە دە قۋانىش سىيلايتىن، ۇمىتىلماس اسەر قالدىراتىن كەرەمەت ورتالىق سالىنعان. جىل سايىن قازاقستاننىڭ تۇكپىر-تۇكپىرىنەن سانتانىڭ پوشتاسىنا كوپتەگەن حات كەلەدى، ونىڭ كومەكشىلەرى-ەلفتەر حاتتاردى سۇرىپتاپ، جاۋاپ بەرۋگە كومەكتەسەدى.

رەزيدەنتسيا اۋماعىندا بۇعى جانە حاسكي يتتەرىن جەككەن شانامەن، اتشانامەن سەرۋەندەۋگە، سالت اتقا مىنۋگە بولادى. جەرگىلىكتى باقسىنىڭ دا ءۇيى دە وسى ماڭدا. مىندەتتى تۇردە سىرعاناقتان شانامەن زاۋلاپ، كونكي، شاڭعى تەپكەن ءجون. قاردا جۇرەتىن كولىكتەر مەن كۆادروتسيكلدەر دە بار. مۇز قالاشىق كوز تارتادى.

ءوڭىر تۋريزمىنىڭ الەۋەتى ارتىپ كەلەدى

اقمولا وبلىسى ەلىمىزدىڭ تۋريستىك الەۋەتىن كوتەۋدە ەرەكشە ماڭىزعا يە ءوڭىر. وبلىستىڭ تۋريستىك سالاداعى جالپى ۇلەسى 9 پايىزدان اسادى (175,7 ميلليارد تەڭگەنىڭ 16,5 ميلليارد تەڭگەسى). رەسپۋبليكا بويىنشا بارلىق تۋريستىك ورىننىڭ شامامەن 9 پايىزى (353 ى) وسىندا شوعىرلانعان. وبلىستا بۋراباي اۋىلى قامتىلعان باس جوسپار ازىرلەنگەنىن ايتا كەتۋ كەرەك.

باس جوسپار بويىنشا، 700 گەكتار اۋماقتا 500 جانە 1800 ورىندىق ۇلكەن ەكى اۆتوتۇراق سالۋ قاراستىرىلعان. بيىل 500 ورىندىق اۆتوتۇراق سالۋ جوباسى ءساتتى جۇزەگە اسىرىلدى. جىل باسىنان بەرى وبلىس بويىنشا جالپى تۋريستەردىڭ سانى (ستاتيستيكالىق ورگانداردىڭ الدىن الا مالىمەتتەرى) 956,7 مىڭعا جەتتى. ونىڭ ىشىندە جەرگىلىكتى ورنالاسۋ ورىندارىندا دەمالعاندار - 404,2 مىڭ ادام؛ ساناتوريالىق-كۋرورتتىق ۇيىمداردا دەمالۋشىلار - 17,2 مىڭ ادام؛ مەملەكەتتىك ۇلتتىق پارككە بارعاندار - 535,3 مىڭ ادام (8 ايداعى الدىن الا دەرەكتەر).

جىل سوڭىنا دەيىن تۋريستەر سانى 1,2 ميلليوننان اسادى دەگەن بولجام بار. ونىڭ ىشىندە ءوز ازاماتتارىمىزدىڭ ۇلەسى 940,8 مىڭ ادام. قاڭتار- قىركۇيەك ايلارى ارالىعىندا كۋرورتتىق

ايماققا 15838 شەتەلدىك تۋريست كەلدى، بۇل بىلتىرعى كورسەتكىشتەن 3,2 مىڭعا جۋىق ادامعا ارتىق. سالىستىرمالى تۇردە ايتساق، بىلتىر وسى كەزەڭدە وبلىسقا 12647 شەتەلدىك تۋريست كەلگەن بولاتىن.

«بۋراباي-دامۋ» نىساندارى تۋريستەر ءۇشىن تارتىمدى

كورىكتى ايماقتىڭ تۋريزم الەۋەتىن دامىتۋمەن «بۋراباي دامۋ» ج ش س اينالىسادى. ق ر پرەزيدەنتىنىڭ ءىس باسقارماسىنا قاراستى كومپانيا سەگىز جىلدان بەرى شۋچينسك-بۋراباي كۋرورتتىق ايماعىنداعى تۋريزمدى دامىتۋ مىندەتىن جەمىستى اتقارىپ كەلەدى. «بۋراباي-دامۋ» دەمالىس ورنىنداعى نىسانداردى كۇتىپ ۇستاپ، ساپالى قىزمەت كورسەتەدى. اتاقتى ابىلاي حان الاڭى ساياباعىنداعى مۋلتيمەديالىق ينتەراكتيۆتى كەشەن، ۆيزيت-ورتالىق، «Burabay Land» ويىن-ساۋىق ساياباعى، حايۋاناتتار باعى جانە مارال فەرماسى سىندى نىسانداردىڭ جۇمىسىن وسى كاسىپورىن جۇزەگە اسىرادى.

«اقمولا وبلىسىنىڭ تۋريزم باسقارماسى» مەملەكەتتىك مەكەمەسىنىڭ قولداۋىمەن «Visit Aqmola» تۋريستىك اقپاراتتىق ورتالىعىمەن بىرلەسىپ مۇز قالاشىعى فەستيۆالى وتكىزىلەدى. فەستيۆال كاسىبي سۋرەتشىلەرگە وزدەرىنىڭ شىعارماشىلىق قابىلەتتەرىن كورسەتۋگە جانە مۇزدان جاسالعان كەرەمەت مۇسىندەردى ومىرگە اكەلۋگە بىرەگەي الاڭ بەرەدى. فەستيۆال كەلۋشىلەر مەن جەرگىلىكتى تۇرعىنداردى كەرەمەت سۇلۋلىق پەن شىعارماشىلىقپەن تاڭعالدىرىپ قانا قويماي، سونىمەن قاتار تۋريزمدى دامىتۋعا جانە بىرەگەي ءىس-شارالاردى قۇرۋعا دەگەن ۇمتىلىسىمىزدى كورسەتەدى.

قىسقى بۋراباي قىزىقتارى

جاقىندا «بۋراباي-دامۋ» كاسىپورنى «اقمولا وبلىسىنىڭ تۋريزم باسقارماسى» مەملەكەتتىك مەكەمەسىنىڭ قولداۋىمەن، «Visit Aqmola» تۋريستىك اقپاراتتىق ورتالىعىمەن بىرلەسىپ «مۇز قالاشىعى فەستيۆالىن» وتكىزەدى. فەستيۆال اياسىندا كاسىبي سۋرەتشىلەرگە شىعارماشىلىق قابىلەتتەرىن كورسەتۋگە، مۇزدان كەرەمەت مۇسىندەر جاساۋعا مۇمكىندىك بەرىلەدى. بۇل ءىس-شارا قوناقتار مەن جەرگىلىكتى تۇرعىنداردى تاڭعالدىرىپ قانا قويماي، سونىمەن قاتار تۋريزمدى دامىتۋعا جانە ەرەكشە ءىس-شارالاردى ۇيىمداستىرۋعا دەگەن تالپىنىستى كورسەتەرى ءسوزسىز.

قىس مەزگىلىندە بۋراباي جۇرتشىلىقتى ساف تازا اۋاسىمەن، كونكي، شاڭعى تەبۋ، ورماندا سەرۋەندەۋ، مۇزدا بالىق اۋلاۋ سىندى ماۋسىمدىق قىزىقتارىمەن باۋرايدى. بۋرابايدىڭ قىس مەزگىلىندەگى سۇلۋلىعى تۋرالى ايتۋدىڭ ءوزى ارتىق، ول كەز كەلگەن فوتو توپتاماعا لايىق.

تۋريستەرگە تارتىمدى جەرلەردىڭ كەيبىرىنە توقتالا كەتسەك، BurabayLand وتباسىلىق ويىن-ساۋىق ساياباعىندا جۇرتشىلىق ەرتەگى الەمىنە تۇسكەندەي كۇي كەشەدى. كوپتەگەن تۋريست ءۇشىن بۇل ساياباققا جىل سايىن كەلىپ تۇرۋ داستۇرگە اينالعان.

تۋريستەر قاراسى ۇزىلمەيتىن جەر - بۇعى-مارال فەرماسى. كۇن سايىن مۇندا مەكتەپ وقۋشىلارى ءۇشىن ەكسكۋرسيا ۇيىمداستىرىلىپ تۇرادى، بالالار بۇعىلاردى كورىپ، ۇلتتىق تاعامداردان اۋىز تيەدى، سالت-داستۇرلەرىمىزبەن تانىسادى. فەرما اۋماعىنداعى پانتوتەراپيا ورتالىعىندا قولدانىلاتىن ەمدىك ءدارى دە وسى جەردەن الىنادى. بۇل ءونىمنىڭ پايدالى قاسيەتتەرى كوپ، ەڭ باستىسى - يممۋندىق جۇيەنى نىعايتادى. سونداي-اق جەرگىلىكتى تابيعاتتىڭ ءدامى - ساڭىراۋقۇلاق، جيدەك، ءتۇرلى ەمدىك شوپتەردىڭ جيىنتىعىن ساتىپ الۋعا بولاتىن اۋىلشارۋاشىلىق فەرماسى دا بار. بۋراباي كۋرورتىندا ۇلكەنگە دە، كىشىگە دە دەمالۋعا، كوڭىل كوتەرۋگە كەرەك قىزىقتىڭ ءبارى بار.

ايتا كەتسەك، بۇدان بۇرىن قىسقا ازىرلىك بارىسىندا «بۋراباي» ۇلتتىق پاركىندە 470 توننا ءشوپ جانە 135 مىڭ بۋما جاپىراق دايىندالعانىن جازعان ەدىك.

اۆتور

اسلان وسپانوۆ