بۇقتىرمادا سالىنىپ جاتقان كوپىر بيىل قولدانىسقا بەرىلمەك

وسكەمەن. KAZINFORM - شىعىس قازاقستان وبلىسىنداعى بۇقتىرما سۋ قويماسىندا سالىنىپ جاتقان كوپىر بيىل قولدانىسقا بەرىلەدى.

پرەزيدەنت قاسىم-جومارت توقايەۆتىڭ تاپسىرماسىمەن شىعىس قازاقستان وبلىسىنداعى كۇرشىم مەن سامار اۋداندارىن جالعايتىن « قىزىل تۋ» وتكەلىنە كوپىر سالىنىپ جاتقانى بەلگىلى.

ەلىمىزدەگى ەڭ ۇزىن كوپىردىڭ قاشان اشىلاتىنى تۋرالى سۇراققا بۇگىن ش ق و ايماقتىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا جاۋاپ بەرىلدى.

«بۇقتىرما سۋ قويماسى ارقىلى وتەتىن كوپىر جوباسىنىڭ باعاسى - 61,4 ميلليارد تەڭگە. بۇگىندە ونىڭ 27,4 ميلليارد تەڭگەسى يگەرىلدى. ۇزىندىعى 1153 مەتردى قۇرايتىن تەحنولوگيالىق كوپىر سالىندى. ەكى جولاقتى نەگىزگى اۆتوموبيل كوپىرىنىڭ ۇزىندىعى 1316 مەتر، ەنى 12,2 مەتر بولادى. قازىرگى ۋاقىتتا 21 كوپىر تىرەگىنىڭ 13- ءى ورناتىلدى. 8 تىرەك بويىنشا جۇمىستار جالعاسۋدا. ارالىقتاردىڭ 20 مەتالل كونسترۋكسياسى دايىندالىپ، ۋچاسكەگە جەتكىزىلدى»، - دەيدى ش ق و جولاۋشىلار كولىگى جانە اۆتوموبيل جولدارى باسقارماسى باسشىسىنىڭ مىندەتىن اتقارۋشى نۇربەك تۇراروۆ.

ونىڭ ايتۋىنشا، كوپىر بيىل قولدانىسقا بەرىلەدى دەپ كۇتىلۋدە.

قۇرىلىس جۇمىستارى كەستەگە سايكەس ءجۇرىپ جاتىر.

اۆتور

تالعاتجان مۇحامەتبەك ۇلى