بۇقتىرمادا «قىزىل تۋ» مۇزدى وتكەلى جابىلدى

وسكەمەن. KAZINFORM - شىعىس قازاقستان وبلىسىنداعى بۇقتىرما سۋ قويماسىندا قىزىل سۋ ءجۇرىپ، «قىزىل تۋ» مۇزدى وتكەلى جابىلدى.

ش ق و اكىمدىگىنىڭ مالىمەتىنە سۇيەنسەك، 13- ناۋرىز كۇنى اۋا رايىنىڭ كۇرت جىلىنىپ، ءسىلبى قار جاۋۋىنا وراي بۇقتىرما سۋ قويماسىنىڭ مۇزى ىدىراپ، قىزىل سۋ ءجۇرىپ كەتتى.

«وسىعان بايلانىستى سۋ قويماسى ارقىلى وتەتىن «قىزىل تۋ» مۇزدى وتكەلى بارلىق كولىك ءتۇرى ءۇشىن جابىلدى. مۇزبەن ءوتۋ اسا قاۋىپتى. سول ءۇشىن كولىك جۇرگىزۋشىلەرىنەن ءوزىنىڭ جانە جولاۋشىلاردىڭ ومىرىنە قاۋىپ توندىرمەس ءۇشىن وتكەلمەن جۇرۋدەن اۋلاق بولۋعا شاقىرامىز»، - دەلىنگەن اقپاراتتا.

ەسكە سالساق، بۇعان دەيىن وسكەمەندە وزەندە مۇز كەپتەلىپ، 20 ساياجايدىڭ اۋلاسىن سۋ باسقانى حابارلانعان.