بەنزين قىمباتتاسا، ازىق-تۇلىك باعاسى وسە مە: ۇكىمەت جاۋابى

ءماجىلىس كۋلۋارىندا پرەمەر-ءمينيستردىڭ ورىنباسارى سەرىك جۇمانعارين بەنزين باعاسىنىڭ قىمباتتاۋى ازىق-تۇلىك باعاسىنا قالاي اسەر ەتەتىنى تۋرالى سۇراققا جاۋاپ بەردى.

«قازىر ازىق-تۇلىك ينفلياتسياسى بويىنشا قازاقستان 2-ورىندا، جىل باسىنان بەرى ءوسىم %2,9 دى قۇرايدى. باسقا تاۋارلار مەن قىزمەتتەردىڭ باعاسى ءوسىپ جاتىر. سەنبىدە ۇكىمەتارالىق كەڭەستە ينفلياتسياعا اسەر ەتۋشى فاكتورلاردى قاراستىرامىز، سەبەبى ينفلياتسيا %8 دان اسپاۋى كەرەك»، - دەدى جۇمانعارين.

ول جانارماي باعاسى وسەتىنى تۋرالى رەسمي اقپاراتتىڭ جوق ەكەنىن ايتتى.

«بەنزين باعاسى ازىق-تۇلىككە تىكەلەي اسەر ەتپەيدى، سەبەبى تاسىمالداۋدا نەگىزىنەن ديزەل قولدانىلادى. ديزەل وتىنى قىمباتتاسا، شامامەن %5-7 اسەر ەتۋى مۇمكىن»، - دەپ قوستى ول.