- مەملەكەت تە، ەنەرگەتيكا مينيسترلىگى دە بەنزين باعاسىنىڭ بىردەن كۇرت وسۋىنە جول بەرمەيتىندىگىن رەسمي مالىمدەگىم كەلەدى. موراتوري الىنىپ تاستالعاننان بەرى ەكىنشى اپتا ءوتىپ جاتىر. ءبىزدىڭ اقپاراتىمىزعا سايكەس، باعا نەگىزىنەن 1 تەڭگەگە كوتەرىلدى. مينيسترلىك ازاماتتارىمىزدى جانار-جاعارمايمەن تولىق قامتاماسىز ەتۋ ءۇشىن ۇلتتىق كومپانيالارمەن اۋقىمدى جۇمىس ىستەپ جاتىر، - دەدى ۆيتسە-مينيستر ۇكىمەت وتىرىسىنان كەيىنگى بريفينگتە.
سونىمەن قاتار ول وتاندىق بەنزين باعاسىنا قاتىستى پىكىرىن ءبىلدىردى.
- زاۋىتتارىمىزدا ەڭ ۇزدىك زەرتحانالار بار. بەنزين ساپاسىنا قاتىستى كەيىستىك جوق. باعا كۇرت وسپەيدى، بىرتىندەپ كوتەرىلەدى، - دەدى قايىرحان تۇتقىشبايەۆ.
بۇعان دەيىن ەلىمىزدەگى بەنزين، ديزەل جانە اۆتوگاز باعاسى وڭىرگە جانە ناقتى جانارماي قۇيۋ بەكەتىنە بايلانىستى وزگەرىپ وتىراتىنىن جازعان ەدىك.