بەلگىلى سپورت كوممەنتاتورى رابات جانىبەكوۆ ومىردەن وزدى
استانا. KAZINFORM - قازاقستاندىق سپورت جۋرناليسى، كوممەنتاتور رابات جانىبەكوۆ 82 جاسقا قاراعان شاعىندا دۇنيەدەن وزدى.
رابات جانىبەكوۆ - قازاقتىڭ تۇڭعىش سپورت كوممەنتاتورلارىنىڭ ءبىرى. 1942-جىلى 27-ماۋسىمدا تۇركىستان وبلىسى، قازىعۇرت اۋدانى، رابات اۋىلىندا دۇنيەگە كەلگەن.
1968-2003-جىلدار ارالىعىندا - 40 جىلعا جۋىق - قازاق تەلەۆيزياسىندا رەداكتور، سپورت كوممەنتاتورى قىزمەتتەرىن اتقاردى. بۇكىلوداقتىق سپورتتىق شارالاردى قامتىدى. ول پىكىر بىلدىرگەن العاشقى ماتچ فۋتبولدان ك س ر و چەمپيوناتى اياسىنداعى «قايرات» پەن «تورپەدو» (ماسكەۋ) اراسىنداعى كەزدەسۋ بولدى.
ۇزاق ۋاقىت ءبىلىم جانە عىلىم مينيسترلىگى عىلىمي-پراكتيكالىق ورتالىعىنىڭ باسپا ءسوز حاتشىسى قىزمەتىن دە اتقاردى.
Kazinform رەداكسياسى رابات جانىبەكوۆتىڭ وتباسى مەن جاقىندارىنا قايعىلارىنا ورتاقتاسىپ كوڭىل ايتادى.
اۆتور
ابىلايحان جۇماشيەۆ