بەلگىلى كريپتوكومپانياسى الاياق دەپ تانىلدى

 استانا. KAZINFORM - استانا حالىقارالىق قارجى ورتالىعى تىركەلمەگەن جانە ليتسەنزيا الماعان «Astana Exchange» كومپانياسىنا قاتىستى ەسكەرتۋ جاريالادى.

«ا ح ق و قارجىلىق قىزمەتتەر كورسەتۋدى رەتتەۋ جونىندەگى كوميتەتى (AFSA) جۇرتشىلىققا ءوزىن «Astana Exchange» دەپ اتايتىن جانە كريپتوۆاليۋتا ايىرباستاۋ قىزمەتتەرىن ۇسىناتىن كومپانيانىڭ الاياق ەكەنىن ەسكەرتەدى. بۇل كومپانيا قارجىلىق قىزمەتتەردى كورسەتۋ ءۇشىن جالعان ليسەنزيانى پايدالانادى. جۇرگىزىلگەن تالداۋ ناتيجەسىندە AFSA اتالعان ۇيىمنىڭ ا ح ق و- دا تىركەلمەگەنىن جانە قارجىلىق قىزمەتتەر كورسەتۋگە جارامدى ليتسەنزياسى جوق ەكەنىن انىقتادى. وسىلايشا، ونىڭ قىزمەتى احقو اكتىلەرىنىڭ نورمالارىنا قايشى»، - دەلىنگەن حابارلامادا.

وسى ورايدا استانا حالىقارالىق قارجى ورتالىعى ليسەنزيا العان جانە تىركەلگەن كومپانيالار ءتىزىمىن تەكسەرۋگە شاقىرادى.

«بۇل كەز كەلگەن قارجىلىق قىزمەتتى نەمەسە ونىمدەردى پايدالانباس بۇرىن كومپانيانىڭ ليتسەنزياسىنىڭ بارىنا كوز جەتكىزۋ ءۇشىن ماڭىزدى»، - دەيدى ۆەدومستۆودان.

سونداي- اق، AFSA الاياقتىققا قاتىستى كەز كەلگەن حابارلاماعا جاۋاپ بەرمەۋگە جانە كومپانيامەن ىسكەرلىك قارىم- قاتىناسقا تۇسپەۋگە، سونداي- اق وسى الاياقتىققا بايلانىستى كەز كەلگەن تاراپقا اقشا جىبەرمەۋگە نەمەسە اۋدارماۋعا كەڭەس بەرەدى.

ەگەر قانداي دا ءبىر حات- حاباردىڭ شىنايىلىعىنا كۇمان بولسا نەمەسە الاياقتار بولۋى مۇمكىن دەپ كۇدىك تۋسا AFSA- عا تىكەلەي حابارلاسۋعا بولادى. ول ءۇشىن استانا حالىقارالىق قارجى ورتالىعىنىڭ رەسمي سايتىندا ورنالاستىرىلعان ونلاين- فورمانى پايدالانۋعا بولادى.