جوعارى دەڭگەيدەگى كەلىسسوزدەر بارىسىندا قازاقستان مەن بەلگيا اراسىنداعى سان قىرلى ىنتىماقتاستىقتى نىعايتۋ پەرسپەكتيۆاسى تالقىلانادى.
پرەزيدەنت قاسىم-جومارت توقايەۆ پەن كورول فيليپپ جانە پاتشايىم ماتيلدا«قازاقستان-بەلگيا» ىسكەرلىك كەڭەسىنىڭ 4-وتىرىسىنا جانە ەكى ەل جوعارى وقۋ ورىندارى رەكتورلارىنىڭ فورۋمىنا، سونداي-اق باسقا دا ءىس-شارالارعا قاتىسادى دەپ جوسپارلانىپ وتىر.
ساپار قورىتىندىسى بويىنشا بىرلەسكەن مالىمدەمە قابىلدانىپ، ءبىرقاتار قۇجاتقا قول قويىلادى.
قازاقستان بەلگياعا زىعىر جەتكىزىلىمىن ايتارلىقتاي ارتتىردى، بۇل وسى ءونىم ەكسپورتىنىڭ نەگىزگى باعىتىنا اينالدى. تاراپتار ساۋدا كولەمىنىڭ ءوسۋى اياسىندا شيكىزات جەتكىزۋدەن وزىق وڭدەۋگە كوشۋدى جانە قازاقستاندا بىرلەسكەن كاسىپورىن قۇرۋ مۇمكىندىگىن تالقىلاۋ ۇستىندە ەكەنىن جازعان ەدىك.