بەلگيا -قازاقستان: ماتچتىڭ ۋاقىتى بەلگىلى بولدى

 7- قىركۇيەكتەن 8- قىركۇيەككە قاراعان ءتۇنى بريۋسسەلدە (بەلگيا) فۋتبولدان 2026 -جىلعى الەم چەمپيوناتىنىڭ ىرىكتەۋ كەزەڭى اياسىنداعى بەلگيا - قازاقستان ماتچى وتەدى، دەپ حابارلايدى Sports.kz.

كەزدەسۋ تىكەلەي ەفيردە Qazsport تەلەارناسىنان كورسەتىلەدى. ترانسلياتسيا استانا ۋاقىتىمەن 23:45-تە باستالادى.

قارسىلاس كوماندالاردىڭ جاعدايىنا توقتالساق، بەلگيا قۇراماسى ءۇش ويىننان جەتى ۇپاي جيناپ وتىر. قازاقستان قۇراماسىنىڭ قورجىنىندا ءتورت ويىننان ءۇش ۇپاي بار.

قازاقستان قۇراماسى ۋەلسكە قارسى سوڭعى ويىندا 0:1 ەسەبىمەن جەڭىلىپ قالدى. ۆاللييلىك كيففەر مۋر 25-مينۋتتا جالعىز گولدى سوققان ەدى.

ەسكە سالا كەتەيىك، قازاقستان قۇراماسى ماتچ الدىندا بەلگياعا كەلىپ، دايىندىقتارىن جالعاستىرىپ جاتىر.