بەلسەندەندىرىلگەن كومىر قانداي جاعدايدا كومەكتەسەدى؟

بەلسەندەندىرىلگەن كومىر - سۇرەك، شىمتەزەك، قابىق، كوكوس پەن مۇناي قوسىندىسىنان دايىندالعان ەرەكشە ءونىم.

كومىر - جانىپ كەتكەن ورگانيكالىق زات. ال ونى بەلسەندەندىرۋ ءۇشىن جوعارى تەمپەراتۋرالاردا قوسىمشا وڭدەيدى. وسىلايشا ول كوپتەگەن قاسيەتكە يە بولادى. وسى قاسيەتى ءۇشىن ول مەديتسينادا قولدانىلادى. توكسيندەردى، ۋدى نەمەسە ءدارى-دارمەكتى قانعا سىڭىرمەي، اسقازاندا ۇستاپ قالۋعا كومەكتەسەدى.

كوپ جاعدايدا ونى ۋلانعان كەزدە قولدانادى. ءبىراق ادامنىڭ قاشان، نەدەن ۋلانعانىن ءبىلۋ ماڭىزدى.

جانۋرالار مەن ادامدارعا جۇرگىزىلگەن زەرتتەۋ كومىردىڭ كەيبىر ۋلاردان امان ساقتاپ قالاتىنىن كورسەتتى. مىسالى پەستيتسيدتەردىڭ نەمەسە اعزاداعى انتيدەپرەسانتتاردىڭ قانعا تۇسۋىنە جول بەرمەيدى.

ءبىراق كومىر ىشىمدىكتەن، قىشقىلداردان، سىلتىلەردەن ۋلانعان كەزدە كومەكتەسپەيدى.

ەگەر ۋلانعاننان كەيىن 5 مينۋت ىشىندە كومىردى تۇتىنسا، ول بۇكىل ۋدى ۇستاپ قالا الادى. ءتىپتى ءبىر ساعاتتان كەيىن تۇتىنسا دا كومەكتەسەدى، ۋدىڭ جارتىسىن نەمەسە جارتىسىنان كوبىن ۇستاپ قالادى.

سونداي-اق بەلسەندەندىرىلگەن كومىر ءىش وتكەندە، ديسباكتەريوز كەزىندە كومەكتەسەدى. حولەستەرين دەڭگەيىن تومەندەتەدى. جاراقاتتاردى جازادى.

بەلسەندەندىرىلگەن كومىردى كوڭىلدى كەشتىڭ الدىندا تۇتىنۋعا بولمايدى. سەبەبى كومىر سپيرتتى ۇستاپ قالا المايدى، سىڭۋىنە كەدەرگى كەلتىرمەيدى. ياعني ءسىزدى ماس بوپ قالۋدان ساقتامايدى.

تەگتەر: