بەلارۋس رەسمي تۇردە بريكس سەرىكتەسى اتاندى

استانا. KAZINFORM - بەلارۋس رەسمي تۇردە بريكس سەرىكتەسى بولدى، دەپ جازادى بەلتا.

5-قاراشادا بەلارۋس پرەزيدەنتى الەكساندر لۋكاشەنكو رەسەي پرەزيدەنتى ۆلاديمير پۋتينگە ەلدىڭ بريكس-كە سەرىكتەس رەتىندە قوسىلۋعا دايىندىعى تۋرالى حاتقا قول قويدى. سىرتقى ىستەر ءمينيسترى ماكسيم رىجەنكوۆ رەسەي ەلشىسى بوريس گرىزلوۆپەن كەزدەسۋىندە رەسەيلىك ديپلوماتقا قۇجاتتى تاپسىردى.

- جازباشا شاقىرۋعا رەسمي جاۋاپ مۇشە مەملەكەتتەرمەن كەلىسىلگەن سەرىكتەس مارتەبەسىن الۋ ءراسىمىنىڭ مىندەتتى ەلەمەنتى سانالادى. ءدال وسى ساتتەن باستاپ ەل رەسمي تۇردە بريكس سەرىكتەسى، - دەپ ءتۇسىندىردى سىرتقى ىستەر مينيسترلىگىنىڭ باسپا ءسوز قىزمەتى.

بەلارۋس پرەزيدەنتى ءوز جولداۋىندا بريكس قۇرىلعاننان بەرى كوپجاقتى ءوزارا ءىس-قيمىلدى تۇراقتى تۇردە نىعايتىپ، تەك سيمۆولعا عانا ەمەس، كوپ پوليارلىق تىرەگىنە اينالعانىن اتاپ ءوتتى. تەك مۇشە مەملەكەتتەر عانا ەمەس، سونىمەن قاتار جاھاندىق كوپشىلىك ەلدەر دە وسى بىرلەستىكپەن ءادىل بەيبىتشىلىككە دەگەن ۇمىتتەرىن بايلانىستىراتىنىن ايتتى.

- ارىپتەس ەلدىڭ مارتەبەسى، باسقالارمەن قاتار، بريكس سىرتقى ىستەر مينيسترلەرىنىڭ سامميتتەرى مەن كەزدەسۋلەرىنىڭ ارنايى سەسسيالارىنا تۇراقتى نەگىزدە قاتىسۋدى كوزدەيدى. سونداي-اق، ارىپتەستەردى مينيسترلىك دەڭگەيدەگى باسقا دا ءىس-شارالارعا، اتاپ ايتقاندا، ساۋدا تاقىرىبى بويىنشا، ۇلتتىق قاۋىپسىزدىك جونىندەگى وكىلدەردىڭ كەزدەسۋلەرىنە جانە پارلامەنتشىلەر فورۋمىنا شاقىرۋعا بولادى. سەرىكتەستەر بريكس قورىتىندى قۇجاتتارىنا قوسىلا الادى، وسىلايشا ولاردىڭ گەوگرافيالىق اۋقىمىن كەڭەيتەدى جانە حالىقارالىق ىستەردەگى بىرلەستىكتىڭ داۋىسىن كۇشەيتەدى، - دەپ اتاپ ءوتتى مينيسترلىك.

بۇعان دەيىن يندونەزيانىڭ بريكس-كە كىرۋگە نيەت بىلدىرگەنى حابارلانعان بولاتىن.

اۆتور

ەركەجان سماعۇلوۆا