بەلارۋس ەلشىسى قازاقستاننىڭ سىرتقى ىستەر مينيسترلىگىنە شاقىرىلدى
استانا. KAZINFORM - بەلارۋس ەلشىسى پاۆەل ۋتيۋپين قازاقستاننىڭ سىرتقى ىستەر مينيسترلىگىنە شاقىرىلدى، دەپ حابارلايدى ق ر س ءى م باسپا ءسوز قىزمەتى.
قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋدىڭ بەلارۋس رەسپۋبليكاسىنىڭ ەلشىسىمەن كەزدەسۋى بارىسىندا قازاقستان- بەلارۋس ەكىجاقتى دەڭگەيدەگى، سونداي-اق كوپجاقتى ۇيىمدار شەڭبەرىندەگى ىنتىماقتاستىقتىڭ وزەكتى ماسەلەلەرى تالقىلاندى.
اتاپ ايتقاندا، مينيستر قازاقستان ب ۇ ۇ جارعىسىنا جانە حالىقارالىق قۇقىقتىڭ نەگىزىن قالاۋشى نورمالارىنا سايكەس تەڭگەرىمدى جانە بەيبىتشىل سىرتقى ساياسات جۇرگىزىپ جاتقانىن ەرەكشە اتاپ ءوتتى. ەلىمىز مەملەكەتتەر اراسىنداعى بارلىق كەلىسپەۋشىلىكتەر ساياسي جانە ديپلوماتيالىق جولدارمەن شەشىلۋى ءتيىس ەكەنىنە نىق سەنىمدى.
قازىرگى گەوساياسي جاعدايدا مەملەكەت باسشىسى جۇرگىزىپ جاتقان ەلىمىزدىڭ سىرتقى ساياسي باعىتى ءوزىنىڭ تيىمدىلىگىن كورسەتتى.
وسىعان بايلانىستى مينيستر بەلارۋس تاراپىن قازىرگى پروتسەستەرگە قاتىستى استانانىڭ ۇستانىمىن وبەكتيۆتى باعالاۋعا شاقىردى.