بەكزاد نۇرداۋلەتوۆ كاسىبي بوكستان اۋەسقويلار اراسىنا نە ءۇشىن ورالعانىن ايتتى

بوكستان قازاقستان كومانداسىنىڭ مۇشەسى بەكزاد نۇرداۋلەتوۆ كاسىبي بوكستان اۋەسقويلار اراسىنا قايتا ورالۋ سەبەبىن ءتۇسىندىردى، دەپ حابارلايدى kazinform.

«اۋەسقوي بوكسقا قايتا ورالۋىمنىڭ بىرنەشە سەبەبى بار. ونىڭ ىشىندەگى ەڭ ماڭىزدىسى - ەلىمىز نامىسىن ءىرى جارىستاردا قورعاعىم كەلدى. سوندىقتان قايتا ورالدىم.

ارينە، كاسىبي بوكستان تۇبەگەيلى كەتكەن جوقپىن. ول جاقتا دا الاتىن اسۋىم، شىعار بيىگىم بار. ال توكيو وليمپياداسىنداعى ساتسىزدىكتەن سوڭ قاتارعا قوسىلۋ وڭاي بولمادى. پسيحولوگتارمەن جۇمىس ىستەدىم. باپكەرلەرىم كومەكتەستى. توكيو ويىندارى مەن ءۇشىن ۇلكەن ساباق بولدى»، - دەپ كەلتىرەدى ب. نۇرداۋلەتوۆتىڭ ءسوزىن ۇلتتىق وليمپيادا كوميتەتى.

ەسكە سالايىق، بيىلعى 15- جەلتوقساندا استانادا حالىقارالىق بوكس قاۋىمداستىعىنىڭ (IBA) ۇيىمداستىرۋىمەن «چەمپيوندار ءتۇنى» اتتى كاسىپقوي بوكس كەشى ءوتتى. وندا بەكزاد نۇرداۋلەتوۆ (6-0، 2 KO) رەسەيلىك بوكسشى نيكيتا زوندى جەڭدى.