بۇكىرەيىپ ءجۇرۋدىڭ قاۋپى قانداي؟

استانا. قازاقپارات - دۇرىس وتىرماۋ نەمەسە بۇكىرەيىپ ءجۇرۋ تەك ەستەتيكالىق كەمشىلىك ەمەس، اعزاعا ايتارلىقتاي زيان كەلتىرەدى، دەپ حابارلايدى vfokuse.mail.ru.

بۇكىرەيىپ جۇرگەندە ومىرتقا ماڭىنداعى بۇلشىق ەتتەر قىسىلىپ، جۇلىن جۇيكەلەرىنە قىسىم تۇسىرەدى. سونىڭ سالدارىنان ىشكى اعزالار «سترەسس رەجيمىندە» جۇمىس ىستەي باستايدى. بۇل ينسۋلينورەزيستەنتتىلىك، گيپوتيرەوز، قان قىسىمىنىڭ جوعارىلاۋى جانە سوزىلمالى قابىنۋلارعا سەبەپ بولۋى مۇمكىن.

سونىمەن قاتار قان اينالىمى بۇزىلىپ، ميعا باراتىن قان كولەمى ازايادى. ناتيجەسىندە باس اۋرۋى، السىزدىك دەندەپ، جۇمىسىڭ ونبەيدى.

بۇكىرەيىپ ءجۇرۋ سىرت كەلبەتكە دە اسەر ەتەدى. كوسمەتولوگتاردىڭ ايتۋىنشا، ول بەتتەگى اجىمدەردىڭ ەرتە پايدا بولۋىنا اسەر ەتىپ، تەرىنى سالبىراتىپ جىبەرەدى.

ماماندار بۇل ماسەلەنىڭ كەڭ تارالۋىن كوبىنە ءبىر ورىندا وتىرۋ جانە قوزعالىستىڭ ازدىعىمەن بايلانىستىرادى. كومپيۋتەر الدىندا وتىرعاندا ەكران كوز دەڭگەيىندە بولۋعا ءتيىس.