بۇكىل پلانەتادا 16-تامىزدا ءىرى جەر سىلكىنىسى بولاتىنى راس پا - ت ج م جاۋابى
Telegram ارنالارىنىڭ بىرىندە 16-تامىزدا ساعات 4:00-دە بۇكىل پلانەتادا ءىرى جەر سىلكىنىسى بولاتىنى تۋرالى اقپارات شىقتى.
بۇل تۋرالى رەسەيلىك ساياساتكەر جيرينوۆسكيدىڭ مۇراعاتتارىنان تابىلعان كارتالاردا جازىلعان ەكەن. بۇل دەرەكتىڭ فەيك ەكەنىن stopfake ارناسى دالەلدەدى.
قازاقستان رەسپۋبليكاسى توتەنشە جاعدايلار مينيسترلىگىنىڭ سەيسمولوگيا ينستيتۋتى بۇل اقپاراتقا قاتىستى پىكىر ءبىلدىردى.
«حالىقارالىق سەيسمولوگيالىق ورتالىقتاردىڭ رەسمي مالىمەتتەرى بويىنشا، 16-تامىزدا ماگنيتۋداسى 5,5 بالدان اساتىن قاتتى جەر سىلكىنىسى كۇتىلمەيدى. قازاقستان اۋماعىندا دا.
ەلىمىزدە شەكارا ماڭىنداعى اۋماقتاردا بولعان بارلىق توتەنشە وقيعالار، سونداي-اق ءبىزدىڭ اسپاپتارىمىز تىركەگەن ترانزيتتىك جەر سىلكىنىستەرى «112 KZ» تەلەگرام-ارناسىندا جانە www.seismology.kz سايتىندا جەدەل تۇردە جاريالانادى. تەك رەسمي اقپاراتقا عانا سەنىڭىزدەر»، - دەلىنگەن ق ر توتەنشە جاعدايلار مينيسترلىگى سەيسمولوگيا ينستيتۋتىنىڭ باسپا ءسوز قىزمەتىنىڭ حابارلاماسىندا.