اقاۋ ەل بويىنشا اۋەجايلارعا اسەر ەتىپ، ۇشۋ كەستەسىنە ايتارلىقتاي كەدەرگى كەلتىردى. بۇل تۋرالى Reuters حابارلادى.
13-قاراشادا ا ق ش فەدەرالدى اۆياتسيا اكىمشىلىگى (FAA) بۇكىل ەل بويىنشا بارلىق اۋەجايلاردان ۇشۋى ءتيىس رەيستەردى ۋاقىتشا توقتاتتى. وعان اۋە قوزعالىسىن باسقارۋ ورتالىقتارىنا اسەر ەتەتىن بايلانىس ماسەلەلەرى سەبەپ بولدى.
اۋەدە بولعان ۇشاقتارعا قونۋعا رۇقسات بەرىلدى، تەك جاڭا رەيستەردىڭ ۇشۋىنا پارمەن بەرىلمەدى.
ءتورت ساعاتتان استام ۋاقىتتان كەيىن شەكتەۋلەر الىنىپ تاستالدى. دەگەنمەن، ا ق ش كولىك ءمينيسترى شون داففي اۋە قوزعالىسىن تولىق قالپىنا كەلتىرۋ ءۇشىن قوسىمشا ۋاقىت قاجەت بولاتىنىن ەسكەرتتى.
ول FAA- نىڭ ەسكىرگەن تەلەكوممۋنيكاتسيالىق جەلىسىندە ءۇزىلىس بولعانىن مالىمدەدى. دەرەك اعىنى شامادان تىس كوپ بولعاندىقتان كوممۋتاتورلار مەن روۋتەرلەر ىستەن شىققان. دەرەك اعىنى نەلىكتەن كۇرت ارتقانى ءالى انىقتالعان جوق. Cirium اۆياتسيالىق تالداۋ فيرماسىنىڭ مالىمەتى بويىنشا، شەكتەۋلەر باستالعاننان كەيىن ا ق ش اۋەجايلارىنان 1,5 ميلليوننان استام جولاۋشىنى تاسىمالدايتىن شامامەن 11000 رەيس ۇشۋى كەرەك ەدى.
بۇل وقيعا ا ق ش اۆياتسيا ينفراقۇرىلىمىنىڭ جاعدايىنا تاعى دا نازار اۋدارتتى. ەسەپ پالاتاسىنىڭ مالىمەتى بويىنشا، تەكسەرىلگەن اۋە قوزعالىسىن باسقارۋ جۇيەلەرىنىڭ تورتتەن ءۇش بولىگىنەن استامى ەسكىرگەن.
ا ق ش ۇكىمەتى بۇرىن اۆياتسيا ينفراقۇرىلىمىن جاڭعىرتۋعا 12,5 ميلليارد دوللار بولگەن. ەندى اكىمشىلىك كونگرەستەن قوسىمشا 30,1 ميلليارد دوللار سۇراپ وتىر، اۋە قوزعالىسىن باسقارۋ جۇيەلەرىن وسى قاراجات ەسەبىنەن جاڭارتپاق.
ەسكە سالا كەتەيىك، قاراشانىڭ باسىندا ا ق ش-تىڭ فلوريدا شتاتىندا ۇشاق كوشەگە قۇلاپ، توعىز ادام قازا تاپقان بولاتىن.
لۋيزيانا شتاتىنداعى جاڭا ورلەان پورتى ماڭىندا تانكەر مەن وزەندە قاتىنايتىن كرۋيز كەمەسى سوقتىعىسىپ، 20 ادام زارداپ شەكتى.