پرەمەر-مينيستر ولجاس بەكتەنوۆ مەملەكەت باسشىسى قاسىم-جومارت توقايەۆتىڭ ۇكىمەتتىڭ كەڭەيتىلگەن وتىرىسىندا قولدانىستاعى زاۋىتتاردى جاڭعىرتۋ جانە جاڭا ءتورتىنشى مۇناي وڭدەۋ زاۋىتىن سالۋ جونىندە بەرگەن تاپسىرمالارىنىڭ ورىندالۋ بارىسى قارالعان كەڭەس وتكىزدى.
«قازمۇنايگاز» ۇ ك» اق باسقارما ءتوراعاسى اسحات حاسەنوۆ جۇمىس ىستەپ تۇرعان ءموز- دەردى كەڭەيتۋ جۇمىستارىنىڭ اعىمداعى جاي- كۇيى مەن مەرزىمدەرى تۋرالى باياندادى. 2030 -جىلعا قاراي شىمكەنت مۇناي وڭدەۋ زاۋىتىنىڭ قۋاتىن جىلىنا 6 ميلليون توننادان 12 ميلليون تونناعا دەيىن، ال پاۆلودار مۇناي-حيميا زاۋىتىنىڭ قۋاتىن 2031 -جىلعا قاراي 6 ميلليون توننادان 9 ميلليون تونناعا دەيىن ارتتىرۋ جوسپارلانىپ وتىر. اتىراۋ مۇناي وڭدەۋ زاۋىتىندا تيىمدىلىكتى ارتتىرۋ جوباسى جۇزەگە اسىرىلۋدا؛ 2027 -جىلى اياقتالۋى جوسپارلانعان جوبا اياسىندا زاۋىتتىڭ وندىرىستىك قۋاتى 5,5 ميلليون توننادان 6,1 ميلليون تونناعا دەيىن ۇلعايادى.
ودان بولەك، شىمكەنت مۇناي وڭدەۋ زاۋىتىن جاڭعىرتۋ اياسىندا «كەڭقياق — اتىراۋ» جانە «كەڭقياق — قۇمكول» ماگيسترالدىق مۇناي قۇبىرلارىنىڭ، «تەكەسۋ» ستانساسىنىڭ وتكىزۋ قابىلەتىن كەڭەيتۋ، سونداي-اق قۋاتتىلىعى جىلىنا 3,5 ميلليون تونناعا دەيىن جەتەتىن «شىمكەنت — الماتى» مۇناي ونىمدەرى جەلىسىن سالۋ قاراستىرىلعان.
جالپى، جۇمىس ىستەپ تۇرعان ءۇش م ءو ز- ءدى كەڭەيتۋ جوبالارىن جۇزەگە اسىرۋ ولاردىڭ جيىنتىق قۋاتىن جىلىنا 17,5 ميلليوننان 28,8 ميلليون تونناعا دەيىن ارتتىرۋعا مۇمكىندىك بەرەدى.
ەنەرگەتيكا ۆيتسە-ءمينيسترى قايىرحان تۇتقىشبايەۆ ءتورتىنشى م ءو ز سالۋ ماسەلەسى پىسىقتالىپ جاتقانى تۋرالى باياندادى. ەنەرگەتيكا مينيسترلىگىنىڭ مالىمەتىنشە، ۇزاق مەرزىمدى پەرسپەكتيۆادا ەلدىڭ مۇناي وڭدەۋ قۋاتتىلىعىنا دەگەن قاجەتتىلىك جىلىنا 40 ميلليون تونناعا جەتۋى مۇمكىن.
پرەمەر-مينيستر جىل سوڭىنا دەيىن ءتورتىنشى مۇناي وڭدەۋ زاۋىتىن سالۋ ماسەلەسى بويىنشا كەشەندى باعالاۋدى اياقتاپ، ونىڭ وڭتايلى قۋاتىن، كونفيگۋراتسياسىن، شيكىزات بازاسىن، ورنالاسۋ ورنىن جانە ەكونوميكالىق مودەلىن ايقىنداي وتىرىپ، تۇپكىلىكتى شەشىمدەر قابىلداۋدى تاپسىردى.
كەڭەسكە قاتىسۋشىلارعا ورتا جانە ۇزاقمەرزىمدى پەرسپەكتيۆادا ىشكى نارىقتىڭ قاجەتتىلىكتەرىن قامتاماسىز ەتۋ ماقساتىندا سالانىڭ وندىرىستىك الەۋەتىن ارتتىرۋ بويىنشا ءبىرقاتار تاپسىرما بەرىلدى. جاۋاپتى مەملەكەتتىك ورگاندار مەن مۇددەلى ۇيىمدارعا مۇناي وڭدەۋ قۋاتتارىن كەڭەيتۋ جوبالارىن تۇراقتى باقىلاۋدا ۇستاۋ، مەرزىمدەردىڭ كەشىكتىرىلۋىنە جول بەرمەۋ جانە نىسانداردىڭ ۋاقتىلى ىسكە قوسىلۋىن قامتاماسىز ەتۋ تاپسىرىلدى. مۇناي ونىمدەرىنە ىشكى سۇرانىستىڭ ارتۋىن ەسكەرە وتىرىپ، مۇناي وڭدەۋدى ودان ءارى تەرەڭدەتۋگە ەرەكشە نازار اۋدارىلدى.
— مۇناي وڭدەۋ قۋاتىنىڭ ارتۋى ىشكى نارىقتاعى ج ج م باعاسىنىڭ تارتىمدىلىعىمەن تىكەلەي بايلانىستى. قازىرگى جاعدايدا قازاقستاندا بەنزين مەن ديزەل وتىنىنىڭ باعاسى كورشىلەس ەلدەرمەن سالىستىرعاندا ەكى ەسە تومەن بولعاندىقتان، مۇناي وڭدەۋ سالاسىنا ينۆەستيتسيا سالۋ ەكونوميكالىق تۇرعىدان ءتيىمسىز. سوندىقتان نارىقتى ىرىقتاندىرۋدى بەلسەندى تۇردە جالعاستىرۋ قاجەت. بۇل - ەكونوميكالىق قاۋىپسىزدىك ماسەلەسى، - دەپ اتاپ ءوتتى ولجاس بەكتەنوۆ.
ايتا كەتەلىك قازاقستان 112 مۇناي-گاز ۋچاسكەسىن اۋكسيونعا شىعاراتىنى تۋرالى جازعان ەدىك.