مەملەكەت باسشىسىنىڭ تاپسىرماسى بويىنشا قازاقستان پرەمەر-ءمينيسترى ولجاس بەكتەنوۆ، پارلامەنت سەناتىنىڭ ءتوراعاسى ماۋلەن اشىمبايەۆ جانە پارلامەنت ءماجىلىسىنىڭ ءتوراعاسى ەرلان قوشانوۆ جەڭىس كۇنىنە وراي استاناداعى «وتان انا» مونۋمەنتىنە گۇل شوقتارىن قويدى.
شاراعا قاتىسۋشىلار سوعىس جىلدارىندا قازا تاپقان قازاقستاندىق مايدانگەرلەردى، تىل ەڭبەككەرلەرىن جانە سوعىس قۇرباندارىن ءبىر مينۋت ۇنسىزدىكپەن ەسكە الدى.
جەڭىس كۇنى بەيبىت ءومىردىڭ قادىرىن ۇعىندىراتىن، ۇرپاقتار ساباقتاستىعى مەن تاتۋلىقتى جانە ەل تىنىشتىعىن ساقتاۋ جاۋاپكەرشىلىگىن جادىمىزدا جاڭعىرتاتىن تاريحتاعى ەڭ اتاۋلى كۇندەردىڭ ءبىرى بولىپ قالا بەرەدى.
وسىدان بۇرىن مەملەكەت باسشىسى قاسىم-جومارت توقايەۆ جەڭىس كۇنىمەن قۇتتىقتاعانىن جازعانبىز.