بەكتۇرسىن ۋاليەۆ قوستاناي وبلىسىنىڭ باس يمامى بولىپ تاعايىندالدى
قوستاناي. KAZINFORM - ق م د ب ءتوراعاسى، باس ءمۇفتي ناۋرىزباي قاجى تاعان ۇلىنىڭ بۇيرىعىمەن قوستاناي وبلىسىنىڭ باس يمامى بولىپ بەكتۇرسىن ۋاليەۆ تاعايىندالدى.
قازاقستان مۇسىلماندارى ءدىني باسقارماسىنىڭ مالىمەتىنشە، ول بۇعان دەيىن قوستاناي قالالىق «مارال يشان» مەشىتىنىڭ يمامى قىزمەتىن اتقارعان.
جاڭادان تاعايىندالعان باس يمامدى ءوڭىردىڭ ءدىن قىزمەتكەرلەرىنە ق م د ب ۋاعىز- ناسيحات ءبولىمىنىڭ مەڭگەرۋشىسى باتىرجان مانسۇروۆ تانىستىرىپ، ق م د ب ءتوراعاسى ناۋرىزباي قاجى تاعان ۇلىنىڭ بۇيرىعىن وقىپ بەردى.
سونداي-اق قوستاناي وبلىستىق «ايماعانبەت قاجى سپان ۇلى» مەشىتىندە وڭىردەگى قالا جانە اۋدان باس يمامدارىنىڭ قاتىسۋىمەن وتكەن جيىندا وبلىستىق ءدىن ىستەر باسقارماسىنىڭ باسشىسى ەرلان بولات ۇلى جاڭادان تاعايىندالعان باس يمام بەكتۇرسىن تورعايباي ۇلىنا ىزگى تىلەگىن ءبىلدىرىپ، جاۋاپتى قىزمەتىنە ابىروي تىلەدى.
بۇعان دەيىن بۋرابايدا ماساڭ كۇيدە كولىك جۇرگىزگەن قوستانايدىڭ باس يمامى ۇستالعانىن جازعان بولاتىنبىز.
پوليتسيا اكىمشىلىك حاتتاما تولتىرىپ، 15 تاۋلىككە قاماۋعا الدى.
اۆتور
ەلميرا ورالبايەۆا