بەكتەنوۆ ش ى ۇ- عا مۇشە مەملەكەتتەر ۇكىمەتتەرىنىڭ باسشىلارى كەڭەسىنىڭ وتىرىسىنا قاتىستى

استانا. KAZINFORM - قازاقستان رەسپۋبليكاسىنىڭ پرەمەر-ءمينيسترى ولجاس بەكتەنوۆ پاكىستان يسلام رەسپۋبليكاسىنىڭ استاناسىندا وتكەن شاڭحاي ىنتىماقتاستىق ۇيىمىنا مۇشە مەملەكەتتەر ۇكىمەتتەرىنىڭ باسشىلارى كەڭەسىنىڭ 23-وتىرىسىنا قاتىستى. بۇل تۋرالى ۇكىمەتتىڭ باسپا ءسوز قىزمەتى ءمالىم ەتتى.

ش ى ۇ ۇ ب ك وتىرىسىندا بيىل شىلدەدە استانادا وتكەن سامميت اياسىندا مەملەكەتتەر باسشىلارى دەڭگەيىندە قول جەتكىزىلگەن ۋاعدالاستىقتاردى ىسكە اسىرۋعا نازار اۋدارىلدى. ساۋدا-ەكونوميكالىق جانە مادەني-گۋمانيتارلىق سالالارداعى ىنتىماقتاستىقتى جاڭا جاعدايلاردا، ونىڭ ىشىندە بەلارۋستىڭ ۇيىمعا تولىققاندى مۇشە مەملەكەت مارتەبەسىن الۋىن ەسكەرە وتىرىپ، تەرەڭدەتۋ شارالارى قارالدى.

وتكەن جىلى قازاقستاننىڭ شىۇ ەلدەرىمەن تاۋار اينالىمى %6 عا ءوسىپ، $66,7 ميللياردتى قۇرادى. جالپى العاندا، ش ى ۇ مەملەكەتتەرىنىڭ الەمدىك ج ءى و- دەگى ۇلەسى 0 دى قۇرايدى، بىرلەستىك ىشىندەگى ساۋدا-ساتتىق جالپى كولەمنىڭ تورتتەن بىرىنەن استى.

ولجاس بەكتەنوۆ ق ر پرەزيدەنتى قاسىم-جومارت توقايەۆ پەن ش ى ۇ- عا قاتىسۋشى ەلدەردىڭ كوشباسشىلارى مۇشە مەملەكەتتەر اراسىنداعى كوپجوسپارلى ىنتىماقتاستىقتى ودان ءارى دامىتۋ ءۇشىن ستراتەگيالىق نەگىز قالاعانىن اتاپ ءوتتى. وسىعان بايلانىستى، جاھاندىق ەكونوميكا دامۋىنىڭ باياۋلاۋى جاعدايىندا ساۋداداعى تۇراقتى سەرپىندى قامتاماسىز ەتۋ ماقساتىندا ءوسىمنىڭ جاڭا مۇمكىندىكتەرى قاجەت، - دەلىنگەن ۇكىمەتتىڭ باسپا ءسوز حابارلاماسىندا.

قازاقستاندىق تاراپ سيفرلاندىرۋ مەن ونلاين-ساۋدانى دامىتۋ، ارىپتەستىك پورت-لوگيستيكالىق جەلىنى قۇرۋ شەڭبەرىندە قولدانىستاعى تەمىرجول جانە اۆتوموبيل جولدارىن جاڭعىرتۋ، ەنەرگەتيكا جانە ينۆەستيتسيا سالالارىنداعى ءوزارا ءتيىمدى كووپەراتسيا قاجەتتىگىن اتاپ ءوتتى. كليماتتىڭ وزگەرۋى، قالدىقتاردى ءتيىمدى باسقارۋ سالاسىنداعى شارالار كەشەنىن ىسكە اسىرۋعا، سونداي-اق ءبىلىم بەرۋ جانە دەنساۋلىق ساقتاۋ مەكەمەلەرى اراسىنداعى بايلانىستاردى نىعايتۋعا ەرەكشە نازار اۋدارىلدى. اتالعان سالالارداعى تىعىز ىنتىماقتاستىق شانحاي وندىعى ەلدەرىنىڭ ورنىقتى دامۋى مەن وركەندەۋىنە قولايلى جاعداي جاساۋعا مۇمكىندىك بەرەدى.

وتىرىس بارىسىندا ش ى ۇ- عا مۇشە مەملەكەتتەر دەلەگاتسيالارىنىڭ باسشىلارى: پاكىستان يسلام رەسپۋبليكاسىنىڭ پرەمەر-ءمينيسترى شاحباز شاريف، بەلارۋس رەسپۋبليكاسىنىڭ پرەمەر-ءمينيسترى رومان گولوۆچەنكو، قىرعىز رەسپۋبليكاسىنىڭ مينيسترلەر كابينەتىنىڭ ءتوراعاسى اقىلبەك جاپاروۆ، رەسەي فەدەراتسياسى ۇكىمەتىنىڭ ءتوراعاسى ميحايل ميشۋستين، تاجىكستان رەسپۋبليكاسىنىڭ پرەمەر-ءمينيسترى كوحير راسۋلزودا، وزبەكستان رەسپۋبليكاسىنىڭ پرەمەر-ءمينيسترى ابدۋللا اريپوۆ، قىتاي حالىق رەسپۋبليكاسى مەملەكەتتىك كەڭەسىنىڭ پرەمەرى لي تسيان، يران يسلام رەسپۋبليكاسىنىڭ ونەركاسىپ، تاۋ-كەن ونەركاسىبى جانە ساۋدا ءمينيسترى مۋحاممەد اتاباك، ءۇندىستان رەسپۋبليكاسىنىڭ سىرتقى ىستەر ءمينيسترى سۋبرامانيام دجايشانكار، سونداي- اق شىۇ باس حاتشىسى چجان مين، ش ى ۇ ايماقتىق تەرروريزمگە قارسى قۇرىلىمى اتقارۋشى كوميتەتىنىڭ ديرەكتورى رۋسلان ميرزايەۆ، ازياداعى ءوزارا ءىس-قيمىل جانە سەنىم شارالارى جونىندەگى كەڭەسى باس حاتشىسىنىڭ ورىنباسارى چجان لين، ت م د باس حاتشىسىنىڭ ورىنباسارى يلحوم نەماتوۆ، باقىلاۋشى مەملەكەت ۇكىمەتىنىڭ باسشىسى - موڭعوليا پرەمەر-ءمينيسترى لۋۆساننامسراين ويۋۋن-ەردەنە جانە ارنايى قوناق - تۇرىكمەنستاننىڭ مينيسترلەر كابينەتى ءتوراعاسىنىڭ ورىنباسارى، سىرتقى ىستەر ءمينيسترى راشيد مەرەدوۆ ءسوز سويلەدى.

وتىرىس قورىتىندىسى بويىنشا 8 قۇجاتقا قول قويىلدى، ونىڭ ىشىندە ش ى ۇ- عا مۇشە مەملەكەتتەر اراسىنداعى «جاڭا ەكونوميكالىق ديالوگتى» دامىتۋ تۇجىرىمداماسى تۋرالى شەشىم قابىلداندى.

بۇعان دەيىن حابارلاعانىمىزداي، ولجاس بەكتەنوۆ ەريەۆانداعى ەۋرازيالىق ۇكىمەتارالىق كەڭەس وتىرىسىنا قاتىستى.

سونداي-اق، ۇكىمەت باسشىسى اقتاۋ، قۇرىق تەڭىز پورتتارىنىڭ دامۋ جوسپارىمەن تانىستى.