ەڭبەكشى قازاق اۋدانىندا «التىن ادام» داۋىس بەردى

استانا. قازاقپارات - ەڭبەكشى قازاق اۋدانىنىڭ مادەنيەت ۇيىندەگى № 123-سايلاۋ سايلاۋ ۋچاسكەسىندە التىن ادام بەينەسىندە كيىنگەن ازامات داۋىس بەردى.

ول اۋدانداعى بەلسەندى ازامات - جاسۇلان سەيدازيموۆ.

«قازاقستان ارحەولوگياسىنىڭ تاريحىندا كوپتەگەن تاڭعاجايىپ مۇرا بار، ولاردىڭ ءبىرى - الماتى وبلىسىندا تابىلعان «التىن ادام». ال ەڭبەكشى قازاق اۋدانى سول التىن ادامنىڭ اتامەكەنى. «بۇگىن ەلىمىزدە تاريحي شەشىم قابىلدانىپ جاتىر. بۇل ارينە بارلىعىمىزدىڭ بولاشاعىمىزعا قاتىستى ماڭىزدى شەشىم. سوندىقتان بۇل كەلەلى شەشىمدە تۋعان توپىراعىمىزدىڭ وتكەن تاريحى مەن ونداعى وركەنيەت ءىزىن جاڭعىرتقىم كەلدى. ارينە مەن بۇنى ازاماتتىق ۇستانىمىڭدى ءبىلدىرۋدىڭ ەرەكشە ءتاسىلى دەر ەدىم. مەن قاشاندا قوعامدى وزگەرتۋ مەن ەلىمىزدى وركەندەتۋگە باعىتتالعان شەشىمدەرگە بەلسەنە ءۇن قاتىپ كەلەمىن»، - دەيدى كاسىپكەر جاسۇلان سەيدازيموۆ.